Eldegi ınternettendirý úrdisi qarjy naryǵynyń barlyq segmentine áser etti
Tirkelgen ınternet abonentteriniń sany bir jyl ishinde 5,4%-ǵa, 2020 jyldyń qazanyna qaraı 2,6 mln-ǵa deıin ósti. Onyń ishinde aýyldyq jerlerde bir jylda 11,7%-ǵa, ıaǵnı 583,1 myń abonentke deıin óskeni baıqaldy. Internetke qoljetimdiligi bar uıaly baılanys abonentteriniń sany 7,7%-ǵa, ıaǵnı15,8 mln-ǵa deıin artty. 5 jyl ishinde tirkelgen ınternet abonentteri sanynyń ósimi 24,9%-dy, ınternetke qoljetimdiligi bar uıaly baılanys abonentteri 56,8%-dy qurady.
Rrimeminister.kz saıtynyń málimeti boıynsha, 2020 jylǵy maýsymnyń sońynda el halqynyń tsıfrlyq saýattylyq deńgeıi 82,1%-dy quraǵan bolatyn. 2018 jyldyń sońynda QR-da 828 aýyldyq eldimekendi TOBJ (Talshyqty-optıkalyq baılanys jelisi) tehnologııasy boıynsha keń jolaqty ınternetpen qamtamasyz etý jónindegi joba iske asyryla bastady. Bul QR shalǵaı óńirlerinen 2,1 mln-nan astam adamdy joǵary jyldamdyqty baılanysqa qol jetkizýge múmkindik beredi. Joba bıylǵy jyldyń sońyna deıin aıaqtalady, nátıjesinde eldegi ınternettiń ený deńgeıi 99,5% - ǵa jetedi, dep habarlaıdy akorda.kz.
Abonentter sanynan basqa ınternet jyldamdyǵy da artýda: speedtest.net saıtynyń derekteri boıynsha, Qazaqstanda mobıldi ınternetti júkteý jyldamdyǵy 2020 jyldyń qazanyna qaraı bir jyl ishinde 18,61-den 19,28 Mbıt/s-qa deıin, al tirkelgen ınternet jyldamdyǵy 40,14-ten 50,74 Mbıt/s-qa deıin ósti.
Barlyq jerde tsıfrlandyrýdyń aıqyn nátıjesi - bıylǵy jyly Qazaqstan aýmaǵynda tólem kartalary boıynsha aınalymnyń jalpy kóleminde, ıaǵnı qolma-qol aqshasyz tólemderdiń qarajatty qolma-qol aqshaǵa aınaldyrýdan basym bolýy. Bul rette qolma-qol aqshasyz tólemderdegi ınternet pen mobıldik tólemderdiń úlesi 2020 jylǵy qańtar-qazanda 81,4%-dy qurady, ótken jyly 69,9% bolǵan, al kartalar boıynsha aınalymdardaǵy úlesi-53,6%, bir jyl buryn 30%.
