Eldegi ınflıatsııanyń aılyq dınamıkasy tómendep keledi

ASTANA. QazAqparat – Qańtar aıynda ınflıatsııa jyldyq mánde 20,7%-ǵa jetti. Bul týraly QR Ulttyq banki tóraǵasynyń orynbasary Berik Sholpanqulov aıtty, dep habarlaıdy QazAqparat tilshisi.

Onyń aıtýynsha, 2022 jylǵy naýryz aıyndaǵy eń joǵary mánge (3,7%) jetken ınflıatsııanyń aılyq dınamıkasy tómendep keledi.

«Bıylǵy qańtarda aılyq ınflıatsııa birtindep 1,1%-ǵa deıin tómendedi. Buǵan qaramastan, ol ortasha jyldyq mánnen edáýir asatyn deńgeıde qalyp otyr. Jyldyq mánde ınflıatsııa bıylǵy qańtarda 20,7%-ǵa jetti. Al jyldyq mánde 25,7%-ǵa jetken azyq-túlik baǵasynyń ósýi ınflıatsııanyń ósýine kóp úles qosyp otyr», - dedi B. Sholpanqulov Úkimettiń búgingi otyrysynda.

Azyq-túlikke jatpaıtyn ınflıatsııa da ımport taýarlarynyń qymbattaýy men olarǵa suranystyń saqtalýyna baılanysty 20,2%-ǵa deıin jedeldedi. Aqyly qyzmetterdiń ınflıatsııasy 14,2%-ǵa jetti.

Sondaı-aq, logıstıkanyń ózgerýine, joǵary ınflıatsııalyq kútýlerge, suranysty fıskaldyq qoldaýǵa jáne kredıt berýdiń ulǵaıýyna baılanysty ınflıatsııa ósýin jalǵastyryp keledi.

Aıta keteıik, qańtar aıynda teńgeniń dollarǵa qatysty baǵamy 460,52 teńgege deıin 0,5%-ǵa nyǵaıdy. Teńge baǵamy álemdik naryq pen geosaıası jaǵdaılarǵa baılanysty bolady.