Eldegi esirtki ahýaly shıelenisip tur - Іshki ister mınıstri
ASTANA. 3 sáýir. QazAqparat - Eldegi esirtki ahýaly shıelenisip tur.
Bul týraly búgin Úkimet otyrysynda QR Іshki ister mınıstri Qalmuhanbet Qasymov málim etti.
«Tolyqtaı alǵanda sońǵy úsh jylda esirtki tutyný kórsetkishiniń tómendeýi baıqalǵandyǵyna qaramastan eldegi esirtki ahýaly shıelenisip tur»,- dedi ol.
Onyń alǵa tartqan derekterine qaraǵanda, sońǵy úsh jyldyń ishinde esirtki tutynýshylar esebinde turǵandardyń sany 8,6 paıyzǵa, onyń ishinde kámiletke tolmaǵandardyń qatary 34 paıyzǵa tómendedi. Oǵan 2009-2011 jyldarǵa arnalǵan arnaıy baǵdarlama aıasynda júzege asyrylǵan is-sharalar áser etken. 3 jyldyq baǵdarlamany júzege asyrý barysynda 22 860 esirtki qylmysy anyqtaldy. Zańsyz esirtki aınalymyna qatysy bar 16737 tulǵa ákimshilik jaýapkershilikke tartyldy.
«Zańsyz aınalymnan 90 tonnadan astam ártúrli esirtki zattary, onyń ishinde 1361 keli geroın tárkilendi», - dedi ol.
