Eldegi epıdjaǵdaı turaqty: Birqatar óńirde karantın sharalary jeńildetilýde
Baspasóz májilisinde vıtse-mınıstr Erlan Qııasov búginde elimiz jasyl aımaqta, ıaǵnı qaýpi tómen aımaqta turǵanyn atap ótti. Onyń aıtýynsha, joǵary qaýipti aımaqta, ıaǵnı qyzyl aımaqta 2 óńir, atap aıtsaq, Soltústik Qazaqstan men Pavlodar oblysy ǵana tur.
«Ótken aptamen salystyrǵanda Qostanaı jáne Aqmola oblystary qyzyl aımaqtan sary aımaqqa nemese ortasha qaýipti aımaqqa aýysty, sondaı-aq Almaty qalasy men elorda, Shyǵys Qazaqstan jáne Atyraý oblysy sary aımaqta. Al Batys Qazaqstan oblysy sary aımaqtan jasyl aımaqqa aýysty. Qalǵan óńirler jasyl aımaqta ornalasqan. Epıdemıologııalyq jaǵdaıy jaqsarǵan óńirlerde 2 apta ishinde karantın sharalaryn jeńildetý máselesi qaralyp jatyr», - dedi bas memlekettik sanıtar dáriger.
Onyń dereginshe, ótken 2 aptada koronavırýs juqtyrǵandar sany 10%-ǵa ósken. Al naýqas sany Atyraý oblysynda 1,9 esege, Jambyl oblysynda 1,8 esege, Aqmola oblysynda 1,7 esege, Pavlodar oblysynda 1,5 esege artqan. Sondyqtan epıdemıologııalyq jaǵdaıdy eskere otyryp, joǵary qaýipti aımaqtarda qatań karantın sharalary saqtalatynyn basa aıtty. Sonymen qatar, barlyq óńirde kez kelgen ujymdyq merekelerdi ótkizýge tyıym salynbaq.
Sonymen qatar, Erlan Qııasov jaǵdaı turaqty óńirlerde, onyń ishinde Shyǵys Qazaqstan oblysynda birtindep karantın sharalary jeńildetilip jatqanyn, «sary aımaqqa» kóshýine baılanysty oblys ishindegi avtobýs, shaǵyn avtobýs jáne aýdan men qala arasyndaǵy ózge de jolaýshylar tasymalynyń jumysyn qalpyna keltirý úshin birqatar jeńildik jasalatynyn atap ótti. Azyq-túlik satatyn bazarlarǵa aptanyń kez kelgen kúni jumys isteýge ruqsat etildi.
Sonymen birge, 4 óńirde, ıaǵnı Qaraǵandy, Qyzylorda, Mańǵystaý, Batys Qazaqstan oblystarynda saýda-oıyn-saýyq ortalyqtary, saýda úıiniń jumys rejımi 1 saǵatqa uzartylǵan, jáne demalys, mereke kúnderi de ashyq bolady. Sonymen qatar, azyq-túlik jáne azyq-túlik emes bazarlardyń jumysyna shekteý qoıylmaıdy.
Sonymen birge, vıtse-mınıstrdiń málimetinshe, Almaty qalasy men Qaraǵandy oblysynda saýda úıleri men SOO ornalasqan saýda jáne halyqqa qyzmet kórsetý obektileriniń, naqtyraq aıtsaq, hımııalyq tazalaý, kıim, aıaq kıim jóndeý qyzmetine ruqsat berilgen.
Degenmen, shekarada kúsheıtilgen sanıtarııalyq-karantındik baqylaý bolady. 9 jeltoqsanda memlekettik shekarada 635 adamnan KVI anyqtaldy,tutastaı alǵanda, avtomobıl ótkizý pýnkteri arqyly shekarany kesip ótkender arasynda indet tasymaldaýshylar sany 1,5 esege, áýe qatynasy arqyly 2 esege azaıǵanyn atap ótti.
Túrkııa men Qazaqstan arasyndaǵy áýe reısteri azaıtylady
Sondaı-aq, vıtse-mınıstr Túrkııadaǵy qazirgi epıdemıologııalyq jaǵdaıdy eskere otyryp Túrkııamen turaqty reısterdiń sanyn 2020 jylǵy 10 jeltoqsanynan bastap eki taraptyń áýe akompanııalary aptasyna 20-dan 10 reıske deıin qysqartý týraly sheshim qabyldanǵanyn aıtty. Óıtkeni, sońǵy aptada Túrkııada naýqastar sany táýligine 7 000-nan 30 000 jaǵdaıǵa deıin, ıaǵnı 3,6 esege ósti.
Mektep oqýshylar arasyndaǵy syrqat
Onyń dereginshe, oqý jylynyń basynan oqýshylar arasynda 2 539 KVI jaǵdaıy tirkelgen, olardyń 738-i kezekshi synyptarda oqıdy, bul oflaın rejımde oqıtyndardyń jalpy sanynyń 0,08% quraıdy.
Monıtorıngtik toptardyń jumysy
Qazirgi ýaqytta respýblıka boıynsha ákimdikter janynda 1556 monıtorıngtik top jumys isteıdi. Erlan Qarantın sharalary jeńildetilgen sátten bastap 17 tamyzdan 7 jeltoqsanǵa deıin 53 489 reıd júrgizililip, 21 5970 nysan tekserilgen. 18903 nysan talaptardy saqtamaǵan Sanıtarlyq talaptardy buzǵan óńirler qataryna Túrkistan, Almaty, Qostanaı jáne Shyǵys Qazaqstan oblystary, sonymen birge Almaty qalasy men elorda kiredi.
«Jalpy somasy 1,3 mlrd teńgege 15 268 aıyppul salyndy. Olar maska rejımin, áleýmettik araqashyqtyqty saqtamaǵan, dezınfektsııalyq quraldary jetkilikti emes, epıdemııaǵa qarsy is-sharalardy, jumys rejımin saqtamaǵan, buqaralyq jıyn ótkizgen», - dedi ol.
Budan bólek, bas memlekettik sanıtar dáriger turǵyndardy aldaǵy uzaq demalys kúnderi men jańa jyldyq merekede koronavırýs ınfektsııasynyń aldyn alý sharalaryn saqtaýǵa shaqyrdy. Onyń ishinde adam kóp jınalatyn oryndarǵa barmaýǵa, ujymdyq jıyn ótkizbeýge, oǵan qatyspaýǵa úndedi.
«Árbir adam qazirgi jaǵdaıǵa barynsha jaýapkershilikpen qaraǵany durys. Ózgelerge indet juqtyrmaý úshin jáne juqtyryp almaý úshin mindetti túrde maska kıip, áleýmettik araqashyqtyq jáne gıgıena boıynsha talaptardy saqtaý qajet ekenin taǵy da eske salamyn», - dedi Erlan Qııasov.