Eldegi epıdemıologııalyq ahýal nasharlaýy múmkin be – Bas sanıtar jaýaby
NUR-SULTAN. QazAqparat – QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aldaǵy aıdaǵy epıdemıologııalyq jaǵdaıǵa boljamyn aıtty, dep habarlaıdy QazAqparat tilshisi.
«Shyn máninde, qazir qańtardyń aıaǵy men aqpannyń basyndaǵy boljam týraly tsıfrlyq ara qatynasta aıtqanda, aımaqtarda ınfektsııanyń taralýy birkelki emestigin eskerý qajet. Qazirgi ýaqytta naýqastar az tirkelgen, salystyrmaly túrde «jasyl» aımaqta turǵan óńirler bar. Ózderińiz biletindeı, biz tek oblystyq emes, aýdan ortalyqtarynyń epıdjaǵdaıynyń matrıtsasyn ázirledik. Tipti keıbir oblystarda kórsetkishter boıynsha aıyrmashylyq bar. Biz qazir osy baǵytta tirkeýdiń ósýi baıqalatyn óńirler men aýdandar boıynsha shekteý sharalaryn jergilikti, oshaqtyq túrde engizý úshin jumys istep jatyrmyz»,- dedi Erlan Qııasov OKQ-de ótken onlaın brıfıngte tilshi suraǵyna bergen jaýabynda.
Bas sanıtar eldegi epıdemıologııalyq jaǵdaı nasharlaýy múmkin be degen suraqqa jaýap berdi.
«Nasharlaýy múmkin dep aıta almaımyn. Jekelegen óńirlerde ǵana jaǵdaıdyń nasharlaýyn boljap otyrmyz», - deıdi Erlan Qııasov.
Buǵan deıin Erlan Qııasov Pravoslav dinindegi Kreşenıe merekesi qalaı ótetinin aıtqan edi.
Sonymen birge, brıtandyq koronavırýs shtammy Qazaqstanda tirkelmegendigin jetkizdi.
Sonymen birge, bas sanıtarlyq dáriger qazaqstandyqtarǵa úndeý jasady.
