Eldegi epıdahýal shekteý sharalaryn qajet etpeıdi – Ajar Ǵınııat

ASTANA. QazAqparat – QR Densaýlyq saqtaý mınıstri Ajar Ǵınııat eldegi epıdemıologııalyq jaǵdaı jóninde pikir bildirdi, dep habarlaıdy QazAqparat tilshisi.

«Qazirgi ýaqytta epıdemıologııalyq ahýal qandaı da bir shekteý sharalaryn engizýdi qajet etpeıdi. Biz muny kómekke júginetin naýqastarǵa qarap, olardyń jaı-kúıine qarap baǵamdaımyz. Qazir el boıynsha ınfektsııalyq statsıonarlarda, ásirese koronavırýs ınfektsııasy boıynsha 300 adam emdelip jatyr. Keı óńirlerde sharalar kúsheıdi, ár aýmaqtaǵy bas sanıtarlyq dáriger óz jaǵdaıyna qaraı sheshim qabyldaýǵa quqyly», - dep jaýap berdi Densaýlyq saqtaý mınıstri.

Onyń aıtýynsha, qazir jiti respıratorlyq vırýs ınfektsııalarynyń, tumaýdyń maýsymdyq órshý kezeńi.

«Biz usynym beremiz jáne jabyq uıymdarda mamandar protsestiń taralýyn toqtatyp, naýqaspen baılanysta bolǵandardy qadaǵalaýǵa tyrysyp jatyr», - dedi Ajar Ǵınııat.