11:01, 20 Jeltoqsan 2022 | GMT +6
Eldegi elektr jelileriniń 66 paıyzy tozǵan – Bolat Aqsholaqov
ASTANA. QazAqparat – Energetıka mınıstri Bolat Aqsholaqov Úkimet otyrysynda elektr qýatynyń shekti tarıfin ınflıatsııa deńgeıinde ındeksteýdi usyndy, dep habarlaıdy QazAqparat tilshisi.
«Qazirgi tańda eldegi elektr jelileriniń ortasha tozýy shamamen 66% quraıdy. Bul rette Shyǵys Qazaqstan oblysynda 81% asyp ketti. Osyǵan baılanysty 2022 jyly 2021 jylmen salystyrǵanda tehnologııalyq buzýshylyqtar sany 183 jaǵdaıǵa jáne óndiristik jaraqat alý sany 7 jaǵdaıǵa ulǵaıdy», - dedi Energetıka mınıstri.
Osyǵan baılanysty mınıstrlik jergilikti atqarýshy organdarǵa shuǵyl júıelik sharalardy qabyldaýdy usynyp otyr.
«Buryn bólingen jer ýchaskelerin ınjenerlik ınfraqurylymmen qamtamasyz etý kerek. Iesiz elektr jelilerin anyqtaý jáne olardy kommýnaldyq menshikke qabyldaý, quqyq belgileıtin qujattardy resimdeý jáne osy obektilerdi energııa berýshi uıymdardyń teńgerimine odan ári berý jumysyn jandandyrý qajet», - dedi mınıstr.
