Eldegi ekologııalyq ahýaldyń turaqty bolýy úshin barlyǵyn jasaıtyn bolamyz - Qorshaǵan ortany qorǵaý mınıstrliginiń jańa basshysy
ASTANA. 21 qańtar. QazAqparat /Marlan Jıembaı/ - Eldegi ekologııalyq ahýaldyń turaqty bolýy úshin barlyǵyn jasaıtyn bolamyz.
Bul týraly búgin jańa ujymymen Úkimet basshysy Kárim Másimov tanystyrǵannan keıin sóz alǵan Qorshaǵan ortany qorǵaý mınıstri Nurlan Qapparov aıtty.
«Memleket basshysyna jáne Kárim Qajymhanuly sizge senim artqandaryńyz úshin alǵysymdy bildirgim keledi. Biz kórsetilgen senimdi aqtaýǵa tyrysamyz. Biz eldegi ekologııalyq ahýaldyń turaqty bolýy úshin barlyǵyn jasaıtyn bolamyz», - dedi N.Qapparov.
Óz kezeginde Úkimet basshysy oǵan jańa qyzmetinde tabystar tilep, Elbasynyń tapsyrmalaryn múltiksiz oryndaıtyndyǵyna senim arta kele: «Bul jerdiń ujymy myǵym, jınaqy, aıtarlyqtaı jaqsy jumys isteıdi, Memleket basshysynyń tapsyrmalary men Úkimettiń sheshimderin oryndaıdy. Sondyqtan da sizge jańa jumys ornyńyzda tabys tileımin», - dedi.
