Eldegi dinı jaǵdaıǵa keshendi taldaý jasaý jáne kóshi-qon men demografııalyq saıasatty jetildirý jóninde usynystar ázirleý qajet - M.Tájın
ASTANA. Naýryzdyń 11-i. QazAqparat - Búgin Almatyda QR Prezıdentiniń kómekshisi - Qaýipsizdik keńesiniń hatshysy Marat Tájınniń tóraǵalyǵymen QR Qaýipsizdik keńesi janyndaǵy Saraptama keńesinń otyrysy boldy.
Kún tártibine Qazaqstandaǵy dinı jaǵdaı, kóshi-qon jáne demografııalyq saıasatty jetildirý máseleleri engizildi.
Alǵashqy másele boıynsha fısolosofııa ǵylymdarynyń doktory, professor A.G.Kosıchenko jáne saıasattaný ǵylymdarynyń kandıdaty Sh.A.Ámirbekov baıandama jasady. Sarapshylar keıbir dinı uıymdardyń qyzmetindegi keleńsiz úrdistermen baılanysty qaýipter men problemalarǵa nazar aýdardy.
Ekinshi másele boıynsha saıasattaný ǵylymdarynyń doktory E.K.Álııarov pen áleýmettaný ǵylymdarynyń kandıdaty G.T.Eleýova baıandama jasady. Pikirsaıys barysynda ǵalymdar demografııa men kóshi-qon salasynda oń ózgeristermen qatar keleńsiz faktorlar da oryn alyp otyrǵanyn atap kórsetti.
Otyrysty qorytyndylaı otyryp, Saraptama keńesiniń tóraǵasy Marat Tájın eldegi dinı jaǵdaıǵa keshendi taldaý jasaý jáne kóshi-qon men demografııalyq saıasatty jetildirý jóninde usynystar ázirleý qajet ekenin atap kórsetti.
QR Qaýipsizdik keńesi janyndaǵy Saraptama keńesi ulttyq qaýipsizdikti qamtamasyz etý salasyndaǵy ǵylyı-ádistemelik usynystar ázirleý maqsatynda ǵylymı, saraptamalyq zertteýlerdi oryndaıtyn ǵylymı-keńesshi organ. Keńes músheleri - ǵylymı-zertteý ortalyqtarynyń, úkimettik emes uıymdardyń ókilderi, jetekshi ǵalymdar, taldamashylar.
Saraptama keńesiniń talqylaýy barysynda kún tártibindegi máseleler boıynsha usynystar berildi, ol Qazaqstan Respýblıkasy Qaýipsizdik keńesiniń jumysynda paıdalanylatyn bolady.
