Eldegi dinaralyq kelisim men toleranttylyq saqtalýǵa tıis

ALMATY. QazAqparat - Qazaqstan Respýblıkasy Ata zańynyń absolıýtti normalarynyń biri – zaıyrlylyq. Elimizdegi din aralyq jáne ult aralyq tatýlyq memlekettiń tutastyǵynyń mańyzdy faktorlarynyń biri. Sol sekildi dinı birlestikterdiń bir jerde yntymaq pen syılastyqta ómir súrýleri basqa elderge maqtanarlyq jaıttardan dep aıtýǵa bolady. Dinaralyq toleranttylyqtyń jáne dinı tózimdiliktiń saqtalýy da memlekettiń bolashaqqa nyq qadam basýyna bir kepildik beredi.

Qazaqstan Respýblıkasynyń din salasyndaǵy memlekettik saıasatynyń 2017-2020 jyldarǵa arnalǵan tujyrymdama bólimderiniń birinde kórsetilgendeı, memlekettiń dinı birlestiktermen ózara is qımyly qarastyrylǵan. Dinge senýshilerdiń belgili bir bóliginiń radıkaldaný deńgeıin azaıtý, radıkaldy dinı aǵymdardyń ıdeologııasyna qarsy is-qımyl, teologııalyq turǵyda olarmen dinı birlestikterdiń ózara jumys jasaýy belgilengen. Qazirgi kúni elimizde bul jumystar belsendi túrde iske asyrylýda.

Endi dinge senýshiniń radıkaldylyqqa túsý joldarynyń birin qarastyrar bolsaq. Árbir din, adamnyń baqytqa jetýin kózdeıdi. Árıne, ár dinniń senim joldary ártúrli bolyp keledi. Dinniń buıyrǵan amaldaryn oryndap osy dúnıede nemese aqyrette baqytqa kenelý. Belgili bir dinde kemeldilikke jetý úshin, dinniń buıyrǵan ámirleri oryndalýy kerek. Kez kelgen dinge sengen jáne dinniń mindettegen amaldaryn oryndaýshy, dinı turǵyda jaqsy

ári dindar adam bolyp sanalýda. Demek keıbiriniń belgili bir dinge múshe bolýymen, dinniń buıyrǵanynan aýytqýshylyq tanytýda.

Qazirgi kúni din ustanýshylaryn úsh kategorııaǵa bólip kórsetýge bolady. Olardyń biri belgili bir dindi qabyldaı otyryp, zaıyrly jáne agnostıkalyq sıpat tanytatyndar bolsa, ekinshisi dinge belsendi túrde senip, qoǵamnyń dástúrli dininde qalatyn adamdar. Úshinshi sanattaǵy adamdar óz dininiń ústemdigin dáleldegisi keledi.

Birinshi kategorııada bolǵandar qoǵamda kópshilik topty quraýda. Ekinshi kategorııada bolǵandardyń da qoǵamda qazirgi kúni sany ósýde. Úshinshi kategorııadaǵy kózqarasta bolǵandar kóbine radıkaldylyq nemese margınaldylyqpen sıpattalýda. Sonymen qosa qoǵamda azshylyq topqa ıe.

Árbir dindegi adam óziniń ustanǵan baǵytyn aqıqatpen dáripteıdi. Osy maqsatta eldegi dinaralyq kelisim men toleranttylyq saqtalýǵa tıisti.

Ál-Farabı atyndaǵy QUÝ fılosofııa jáne saıasattaný fakýlteti

dintaný jáne mádenıettaný kafedrasynyń

aǵa oqytýshysy Nurjan Abdýllaev