Eldegi din, etnosaralyq tatýlyqqa Prezıdent N. Nazarbaevtyń danalyǵy arqasynda qol jetkizildi - «Nur Astana» meshitiniń naıb-ımamy
ASTANA. 12 qańtar. QazAqparat /Jasulan Amanbaıuly/ - Elordadaǵy «Nur Astana» meshitiniń dinı qyzmetkerleri Nursultan Ábishuly Nazarbaevtyń ókilettigin 2020 jylǵa deıin uzartý jónindegi bastamashy toptyń usynysyn qoldaıdy.
«Qazirgi ýaqytta Elbasymyz Nursultan Ábishuly Nazarbaevtyń ókilettigin 2020 jylǵa deıin uzartý usynysy kóterilip jatyr. Biz óz tarapymyzdan, meshit ımamdary osyǵan qoldaý kórsetip, daýys berip jatyrmyz. Óıtkeni Elbasymyzdyń Qazaqstan úshin jasaǵan eńbegi orasan zor jáne de alǵa qoıǵan maqsattary da kóp. Sonyń barlyǵyn aıaǵyna jetkizý úshin Prezıdentke ýaqyt qajet»,- dedi «Nur Astana» meshitiniń naıb-ımamy Ashat Sálimov agenttik tilshisine bergen suhbatynda.
Onyń aıtýynsha, Qazaqstandaǵy beıbitshiliktiń, buljymas toleranttylyqtyń basty negizin QR Prezıdenti N. Nazarbaev qalady.
«Dinı kelisim, etnosaralyq tatýlyq jaǵynan Qazaqstan álem elderi úshin úlgi bolyp otyr. Osynaý jetistikke Prezıdentimiz Nursultan Ábishulynyń danalyǵy arqasynda qol jetkizildi. Negizgi ıdeıalardyń bastamashysy sol kisi boldy. Al halyq ony qoldady»,- dep túıindedi ol sózin.
