Eldegi birqatar úlestik qurylys nysandarynyń aıaqtalýyna zańdaǵy kemshilikter sebep bolýy múmkin -Bas prokýratýranyń resmı ókili
ASTANA. Aqpannyń 18-i. QazAqparat /Aıdar Ospanalıev/ - Bas prokýratýra kásipkerlerdiń quqyqtaryn qorǵaý maqsatynda «Sáıkestikti baǵalaý salasyndaǵy akkredıtatsııalaý týraly» Zańyna birshama ózgerister engizý qajettigi jóninde Úkimetke usynys jasady.
Bul týraly búgin Bas prokýratýranyń resmı ókili Nurdáýlet Súıindikov málim etti, dep habarlaıdy QazAqparat.
Onyń aıtýynsha, atalmysh zań normalaryna taldaý jumystary onyń 26-shy babynyń kásipkerlerdiń quqyqtaryn shekteıtindigin kórsetken. Sonymen qatar atalmysh bap jeke qurylym bolyp tabylatyn «Ulttyq akkredıtatsııalaý ortalyǵy» jaýapkershiligi shekteýli seriktestigine baqylaý-qadaǵalaý quzyryn berip otyr. ıAǵnı atalmysh seriktestik sot sheshiminsiz kásipkerlerdiń qyzmetin toqtatýǵa quqyly», dedi resmı ókil.
Sondaı-aq ol Úkimettiń «Turǵyn úı qurylysyna úlestik qatysý týraly tıptik kelisimin bekitý týraly» 2009 jyldyń qarasha aıynyń 10-yndaǵy qaýlysynyń keıbir normalarynyń da tolyq jetildirilmegendigin atap kórsetti. «Osynyń nátıjesinde, qazir 60-tan astam qurylys salýshylar 2,5 myńnan astam kelisimderdi júzege asyrý quqyna ıe bola almaı otyr. Al bul óz kezeginde úlestik qurylys nysandary qurylysynyń aıaqtalmaýyna ákelip soǵýy múmkin», dedi N.Súıindikov.
