Eldegi barlyq kásiptik-tehnıkalyq bilim berý mekemeleriniń ataýlary kolledjderge aýystyryldy - B.Jumaǵulov
TANA. 18 qarasha. QazAqparat /Gúlmıra Alıakparova/ - Jýyrda kúshine engen «Bilim týraly» QR Zańyna sáıkes, barlyq kásiptik-tehnıkalyq bilim berý mekemeleriniń ataýlary kolledjderge aýystyryldy. Bul týraly búgin Astanada ótip jatqan «Kásiptik bilim berý jáne bıznes: Áriptester suhbaty» atty ІІІ Halyqaralyq forýmda Bilim jáne ǵylym mınıstri Baqytjan Jumaǵulov málim etti.
«Jańa Zańǵa sáıkes bizde TjKB (tehnıkalyq jáne kásiptik bilim) uǵymy múldem joq. Endi barlyq mundaı oqý uıymdary kolledjder dep atalady», - dep atap ótti B.Jumaǵulov.
Mınıstr, tehnıkalyq-kásiptik bilim berý salasynda aýqymdy ınstıtýtsıonaldyq ózgerister jasalǵandyǵyn atap ótti.
«Biz TMD elderi arasyndaǵy alǵashqy bolyp bastapqy jáne orta kásiptik bilim berý bazasynda tehnıkalyq jáne kásiptik bilim berýdi engizdik. Bul kadrlardy daıarlaýda tehnıkalyq baǵytty aıqyndaýǵa, biliktiliktiń birneshe deńgeıin berýge múmkindik beredi», - dep túıindedi sózin B.Jumaǵulov.
