Eldegi barlyq fýtbol alańdary tekseriledi - Ashat Oralov
«Biz sportty damytý boıynsha 7 jylǵa tujyrymdama ázirledik. Qazir mınıstrlik aýqymdy ınventarızatsııa júrgizip jatyr. Elimizde 43 myń sport nysany bar – mundaı derekterdi Ulttyq statıstıka bıýrosy berip otyr. Qazir pılottyq rejımde eki óńirde ınventarızatsııa bastaldy, jyl sońyna deıin elimizdegi barlyq fýtbol nysandaryn túgendegimiz keledi. Osydan keıin biz olardyń qandaı jaǵdaıda ekenin jáne ár aımaqtyń ereksheligin eskere otyryp, qandaı sharalar qabyldaý kerektigin kórsete alamyz», - dedi Ashat Oralov Úkimet qabyrǵasynda.
Eske sala ketsek, keshe Astanadaǵy №10 mekteptiń aýmaǵynda 10 jasar balanyń ústine fýtbol qaqpasy qulaǵan. Alǵan jaraqatynan oqýshy kóz jumdy.
Bul oqıǵa boıynsha qylmystyq is qozǵalyp, sotqa deıingi tergeý bastaldy.
Aıta ketsek, maýsym aıynda Aqtaýda basyna fýtbol qaqpasy qulaǵan 16 jastaǵy jasóspirim qaıtys boldy.
Al, mamyr aıynda 13 jasar bala Temirtaýdaǵy sport kortynda jaraqat aldy. Balanyń basyna fýtbol qaqpasy qulaǵan.
