Eldegi barlyq densaýlyq jáne bilim berý nysandaryndaǵy tamaq sapasy men temperatýra rejimin tekserý qajet

Bul týraly búgin Úkimet otyrysynda QR Básekelestikti qorǵaý agenttiginiń tóraǵasy Ǵabıdolla Ábdirahımov aıtty.

Tutynýshylardyń quqyqtaryn qorǵaý salasyndaǵy jumystardy kúsheıtý úshin Premer-Mınıstr orynbasarlarynyń biriniń basshylyǵymen jumys tobyn qurý qajettigin atap ótken ol: «Densaýlyq saqtaý mınıstrligi, QR Qurylys jáne turǵyn úı kommýnaldyq sharýashylyq isteri agenttigi, Básekelestikti qorǵaý agenttigi, oblystardyń jáne Astana men Almaty qalalarynyń ákimdikteri, qoǵamdyq birlestikter jáne buqaralyq aqparat quraldary ókilderimen birlesip, Astana men Almaty qalalaryndaǵy, oblys ortalyqtaryndaǵy densaýlyq saqtaý nysandaryndaǵy temperatýra rejimi men tamaqtyń sapasyn bir aptalyq merzimde tekserýi qajet», dedi ol.

Sonymen qatar Ǵ.Ábdirahımov eki aptalyq merzimde eldiń barlyq qalalary men aýdandarynyń ákimderi osy aqparatty agenttikke habarlaýy qajettigin atap ótti.

«Dál osyndaı jumysty Bilim jáne ǵylym mınıstrligi bilim berý jáne mektepke deıingi mekemelerde júrgizýi maqsatty ári qajet dep sanaımyn», - dedi agenttik basshysy.