Eldegi áýejaılardyń mańyna 350 nysan zańsyz salynǵan – Bas prokýror

ASTANA. QazAqparat – Qostanaı oblysynan basqa óńirlerdiń bárinde Azamattyq avıatsııa komıtetiniń ruqsatynsyz salynǵan 100 myńnan astam nysan bar, dep habarlaıdy QazAqparat tilshisi.

QR Bas prokýrory Berik Asylovtyń Májilis depýtattarynyń saýalyna joldaǵan jaýabynda osyndaı málimet keltirgen.

«Qazaqstan Respýblıkasynyń əýe keńistigin paıdalaný jəne avıatsııa qyzmeti týraly» Zańnyń 90-babynyń 4-tarmaǵyna səıkes əýe aılaǵynyń baqylaý núktesinen on bes kılometr jaqyn qashyqtyqta taǵam qaldyqtaryn tastaıtyn oryndardy, ań fermalaryn, qasaphanalardy jəne qustardy tartýmen jəne olardyń toptalyp jınalýymen erekshelenetin basqa da obektiler qurylysyn ornalastyrýǵa tyıym salynady. Osy tyıym salýǵa qaramastan əýejaılardyń əýeaılaq mańyndaǵy aýmaqtarynda qustardy tartýmen jəne olardyń toptalyp jınalýymen erekshelenetin 350 obekti salyndy», - dep jazady Bas prokýror.

Onyń málimeti boıynsha, əýejaılardyń janynda qatty turmystyq qaldyq polıgondary men ruqsat etilmegen polıgondardyń ornalasýy əýe tasymalynyń qaýipsizdigin nasharlatqan.

«Mysaly, Almaty qalasynyń əýejaı aımaǵynda osyndaı 10-nan astam nysan jumys isteıdi. Óz kezeginde, Azamattyq avıatsııa komıtetiniń maquldaýynsyz Shymkent qalasy əýejaıynyń 4 shaqyrymdyq aımaǵynda 1 303 obekti salyndy. Osyǵan uqsas faktiler elimizdiń barlyq óńirlerinde (Qostanaı oblysyn qospaǵanda) anyqtaldy, onda tıisti kelisimsiz 100 myńnan astam túrli qurylys obektileri salyndy», - dep jazylǵna Berik Asylovtyń jaýabynda.

Sondaı-aq, Bas prokýordyń málimeti boıynsha, Astanadaǵy sybaılas jemqorlyqqa qarsy is-qımyl departamenti Azamattyq avıatsııa komıteti qyzmetkerleriniń ústinen «Fokker-100» ushaǵynyń Almaty irgesindegi apatyna baılanysty qylmystyq isti tergep jatyr.

Al 2021 jyldyń mamyrynda Almatydaǵy áýe aılaǵynyń mańaıynda jerdi zańsyz satqandar sottalǵan bolatyn.

Almaty áýejaıy apatqa ushyraǵan «Bek Air» ushaǵynyń sońǵy sátteriniń hronologııasyn jarııalaǵan.