Eldegi ahýaldyń kúrdelene bastaǵanyna beı-jaı qaraýǵa bolmaıdy - kitaphana dırektory
TÚRKІSTAN. QazAqparat – Túrkistan oblysyndaǵy ámbebap-ǵylymı kitaphanasynyń dırektory Shárbaný Dinásilova el eńsesin tiktep, tirligine kiriskeli otyrǵanda syrqatqa shaldyqqandardyń kúrt kóbeıgenine alańdaýly ekenin jetkizdi, dep habarlaıdy QazAqparat tilshisi.
«Árıne, tirshilikte siz biz desip, syılasyp, júrgenge eshteńe jetpeıdi. Ásirese sońǵy úsh aıda osyny túsindik. Kún saıyn ókpeniń qabynýynan bul dúnıemen baquldasyp jatqandardy estip, bilip janymyz jaı tappaı otyrmyz. Bul ómir biz ben bizdiń jaqyndarymyzdan turady. Sondyqtan ózimizge de, ózgege de saýlyq tileý adamdyq boryshymyz. Eldegi ahýaldyń kúrdelene bastaǵanyna beı-jaı qaraýǵa bolmaıdy. Bárimiz de áý basta qansha alańdaýly bolǵanmen kóńilimizdi aýlap, mán bermeýge tyrystyq. Ótpeli dep oıladyq. Biraq biz oılaǵandaı emes, bul dert órship keledi. Osyndaı shaqta karantın rejımi uzartylǵany jón dep oılaımyn. Bas aman bolsa áli-aq jaǵdaı jaqsarar, dúnıe biter, kúnkóris durystalar... Bul jalǵanda adamǵa adamnan aıaýly ne bar?»,- deıdi Shárbaný Dinásilova.
