Eldegi 50 iri kásiporyn ekologııalyq standarttarǵa saı tehnologııalarǵa kóshiriledi
Bul týraly QR Premer-Mınıstriniń orynbasary - Syrtqy ister mınıstri Muhtar Tileýberdi aıtty.
«Sheteldik tarappen birlesip ınvestorlar keńesiniń jumys toptarynyń usynymdaryn qaraý boıynsha jumys sheńberinde mynadaı jumys júrgiziledi. Ekologııalyq zańnamanyń Ekonomıkalyq yntymaqtastyq pen damý uıymynyń standarttaryna jáne halyqaralyq tájirıbelerge sáıkestigin qamtamasyz etý úshin bıyl jańa ekologııalyq kodekske qol qoıyldy. Ol 1 shildede kúshine enedi», -degen Premer-Mınıstrdiń orynbasary Kodekste eń ozyq qoljetimdi tehnologııalardy engizý kózdelgenin atady.
«Bul tehnologııalyq protsesterdi jańǵyrtýǵa jáne qorshaǵan ortaǵa emıssııalardy tómendetýge múmkindik beredi. Birinshi kezeńde munaı-gaz, taý-ken metallýrgııasy, hımııa jáne elektr energetıkasy salalaryndaǵy 50 iri kásiporyndy qoljetimdi tehnologııalarǵa kóshirý josparlanǵan», - dedi Muhtar Tileýberdi.
