Eldegi 134 mektepte Alǵashqy áskerı daıyndyq pániniń kabıneti jabdyqtalmaǵan

ASTANA. QazAqparat – «Alǵashqy áskerı jáne tehnologııalyq daıyndyq» (AÁTD) pániniń saǵattar sany qaıta qaralýy múmkin. Premer-Mınıstr Álıhan Smaıylov Senat depýtattarynyń saýalyna bergen jaýabynda osyndaı málime aıtty, dep habarlaıdy QazAqparat tilshisi.

«Alǵashqy áskerı jáne tehnologııalyq daıyndyq kabınetin jaraqtandyrý «Mektepke deıingi, orta bilim berý uıymdaryn, sondaı-aq arnaýly bilim berý uıymdaryn quraldarmen jáne jıhazdarmen jabdyqtaý normalaryna» sáıkes júzege asyrylady.

Qazirgi ýaqytta Ulttyq bilim berý derekter bazasyna sáıkes 5432 orta mekteptiń 4702-de AÁTD kabıneti jumys isteıdi. Onyń ishinde 134 kabınet oqý jabdyqtarymen (maketter, tır, saptyq plats, pnevmatıkalyq myltyq, oqý qarýy jáne t.b.) jabdyqtalmaǵan», - dep jazady Úkimet basshysy.

Álıhan Smaıylov osy jáne ózge de kemshilikterdiń ornyn toltyrý úshin Oqý-aǵrtý mınıstrligine tıisti tapsyrma berilgenin aıtady.

«Osyǵan oraı mınıstrlikke jergilikti atqarýshy organdarmen birlesip AÁTD pániniń kabınetterin jabdyqtaý normasyna sáıkes olarda qajetti áskerı-tehnıkalyq múliktiń, oqý-jattyǵý qarýyn, atys tırin saqtaýǵa arnalǵan úı-jaılardyń, kedergileri bar jáne taktıkalyq daıarlyǵy bar sabaqtar ótkizýge arnalǵan alańdardyń bolýyn qamtamasyz etý, AÁTD páni baǵdarlamasynyń negizgi taqyryptary boıynsha saǵattaryn ulǵaıtýdy qarastyrý tapsyryldy», - dep jazylǵan jaýapta.