Eldegi munaı men metall óndiretin kásiporyndar bir jylda 3 mlrd dollardyń tehnıkasyn ımporttaǵan
ASTANA. KAZINFORM – Ónerkásip jáne qurylys mınıstri Qanat Sharlapaev Úkimet otyrysynda munaı-gaz salasyndaǵy tehnıkanyń qaı túri elde shyǵarylatynyn aıtty.
«Munaı - gaz jáne taý - ken metallýrgııa mashına jasaý sektorynda turaqty ósim baıqalyp otyr. Elimizde sorǵylar, kompressorlar, klapandar, bekitý armatýrasy, gıdravlıkalyq jáne pnevmatıkalyq jabdyqtardy shyǵaratyn zaýyttar jumys isteýde. Alaıda ishki naryq áli de ımportqa táýeldilikpen sıpattalady. Máselen, 2023 jyly munaı-gaz jáne taý-ken metallýrgııa mashına jasaý taýarlarynyń ımporty 3 mlrd dollardan asty. Importqa táýeldilikti tómendetý maqsatynda ofteık - kelisimsharttar jasasý mindettemeleri boıynsha zańnamalyq jumystar júrgizilýde», - dedi Qanat Sharlapaev.
Onyń málimeti boıynsha, 9 aıda elde akkýmýlıator men kabeldik ótkizgish ónimder óndirisi orta eseppen 17 % ósken.
«Taýarlardyń jańa túrlerin ıgerý maqsatynda energetıkalyq turǵydan tıimdi transformatorlar jáne ónerkásiptik akkýmýlıatorlar óndirisin jolǵa qoıý boıynsha jumystar júrgizilip jatyr. Otandyq óndirýshiler as-úı plıtalaryn shaǵyn peshter, kir jýǵysh mashınalar, tele-dıdar-lar, sý jylyt-qyshtar jáne shań-sorǵysh-tar shyǵarady. Biz aldymyzǵa álemdik brendter óndirisin elge tartý arqyly, halyq tutynatyn taýarlar óndirisin arttyrý mindetin qoıamyz», - dedi mınıstr.
