Eldegi kúzet uıymdarynyń qolynda 22 myńnan astam qarý bar

ASTANA. KAZINFORM — Májiliste kúzet qyzmetin jetildirýge arnalǵan zań jobasy birinshi oqylymda talqylanyp jatyr.

Qujatty tanystyrǵan depýtat Jarqynbek Amantaıuly eldegi kúzet uıymdarynyń qolyndaǵy qarý-jaraqtyń aınalymy qalaı qadaǵalanyp otyrǵanyn aıtty. 

— Qolymyzdaǵy málimet boıynsha, elimizde 4300-deı kúzet uıymy bar. Onyń 1600-deıiniń qarý satyp alýǵa, qoldanýǵa lıtsenzııasy bar. Olardyń qolynda 22 myńnan astam qarý bar deıtin esep bar. Qazirgi tańda 1186 kúzet uıymy jumysyn toqtatyp turǵan bolsa, olardyń qolynda 930-daı qarý bar. Osy 1186 uıymnyń ishinde 140-qa jýyǵynda ǵana qarý satyp alýǵa, qoldanýǵa ruqsaty bar, — dedi ol.

Onyń sózinshe, qoldanystaǵy zań ol uıymdardy qoldaǵy qarýyn qaıtarýǵa mindettemeıdi.

— Myna zań qabyldansa, olardy baqylaýǵa alý, qarýyn Іshki ister mınıstrliginiń ókildikterine ótkizý jolǵa qoıylady, — dedi depýtat.

Buǵan deıin Qazaqstan halqynyń neshe paıyzy úıinde qarý ustaıtynyn jazǵan edik.