Eldegi kólikterdiń jartysyna jýyǵynyń shyqqanyna 20 jyldan asyp ketken

ASTANA. KAZINFORM — 1 mamyrdaǵy jaǵdaı boıynsha Qazaqstanda tirkelgen avtokólik quraldarynyń sany 5442,9 myń boldy. Mundaı málimetti ulttyq statbıýro taratty. 

Onyń ishinde:

88% — jeńil avtomobılder
9,9% — júk avtomobılderi
2,1% — avtobýstar

Byltyr avtokólik boıynsha 1 191,3 myń tirkeý júrgizildi, bul 2022 jylmen salystyrǵanda 1,6 ese kóp.

2024 jylǵy sáýirde esepke 157,9 myń avtokólik qoıyldy, bul kórsetkish ótken jyldyń sáıkes kezeńimen salystyrǵanda 7,9% kem.

Onyń ishinde jeńil avtomobılder 8,6%-ǵa azaıdy, júk avtomobılderi 2,9% kemise, avtobýstar 15,3%-ǵa artqan.

Qazaqstan avtoparkiniń kóliktiń shyqqan jyly boıynsha kórinisi:

20 jyldan asqan — 44,8%
10-nan 20 jylǵa deıin — 23,6%
7-dan 10 jylǵa deıin — 12,7%
3-ten 7 jylǵa deıin — 12,7%
3 jylǵa deıin — 6,2%