Eldegi qaı JOO-larda sýperkompıýter ornatylǵan
ASTANA. KAZINFORM — QR Ǵylym jáne joǵary bilim vıtse-mınıstriTalǵat Eshenqulov eldegi qaı ýnıversıtterde sýperkompıýter ornatylǵanyn jáne olardy kimder paıdalana alatynyn túsindirdi.
— Ýnıversıtetterdiń barlyǵy sýperkompıýterlerdi paıdalana alady. Qazir Ál-Farabı atyndaǵy Qazaq ulttyq ýnıversıteti men L. N. Gýmılev atyndaǵy Eýrazııa ulttyq ýnıversıtetinde úlken sýperkompıýterler ornatylǵan, — dedi T. Eshenqulov Senatta tilshiler suraǵyna jaýap bere otyryp.
Osy oraıda ol sýperkompıýter arqyly zertteý júrgizgisi keletin kez kelgen ǵalym atalǵan oqý oryndaryna bara alatynyn aıtty.
Sonymen qatar vıtse-mınıstr bolashaqta sýperkompıýterler basqa da ýnıversıtetterge ornatylatynyn jetkizdi.
— Búginde ornatylǵan qýatty kompıýterler qazirgi derekterdi óńdeýge jetkilikti. Bul sýperkompıýterlerdiń tehnıkalyq sıpattamalary óte joǵary, — dedi ol.
Budan buryn habarlanǵandaı, qazaqstandyq Alem.Cloud álemdegi TOP-100 sýperkompıýter qataryna endi.