Eldegi kásiporyndar qansha jeńil kólik shyǵardy
ASTANA. KAZINFORM — Jyl basynan beri elimizdegi kásiporyndar qansha jeńil kólik shyǵardy? Bul suraqqa QR Ónerkásip jáne qurylys mınıstrligi jaýap berdi.
— Strategııalyq josparlaý jáne reformalar agenttigi Ulttyq statıstıka bıýrosy derekterine sáıkes, 2025 jyldyń 7 aıynda 75 406 jeńil avtomobıl shyǵaryldy. 2024 jylǵy qańtar–shildedegi nátıjelermen salystyrǵanda ósim 19 paıyz shamasynda, — delingen mınıstrliktiń Kazinform agenttigine bergen jaýabynda.
«Qazaqstannyń avtokólik odaǵy» (QAO) málimetinshe, jalpy jeti aıda kásiporyndar 1,16 trln teńgege 83 259 tehnıka qurastyrdy. 2024 jylǵy qańtar men shilde aralyǵynda óndiris kólemi 16,7% ulǵaıyp, mashına jasaý salasyndaǵy úlesi 40,7 paıyzǵa jetti.
Bul turǵyda eldegi zaýyttar kóptep shyǵaratyn kólik túri — jeńil avtomobıl (75 406; +19%). Sonymen qatar 4 091 (-10,5%) júk kóligi men 1 361 avtobýs (+5,5%), 1 948 tirkeme men jartylaı tirkeme jáne 453 basqa tehnıka túri jasaldy.
2025 jyldyń qańtary men shildesi aralyǵynda shyǵarylǵan kólikterdiń arasynda asa tanymal bolǵan bes brend (eksportty qosqanda): Hyundai (30 850 kólik), Chevrolet (16 598), Kia (14 856), Jetour (7 116) jáne Jac (5 641). Modelder qatarynda Chevrolet Cobalt (13 628), Hyundai Tucson (11 849), Kia Sportage (6 999), Hyundai Elantra (4 905) jáne Hyundai Mufasa (4 636) basym.
Sonymen qatar, Ónerkásip jáne qurylys mınıstrligi aqparatyna qaraǵanda, 2025 jylǵy qańtar–shildede avtokólik quraldaryn, treılerler men tirkemelerdi óndirýge ınvestıtsııalar 86,3 mlrd teńge boldy. Bul 2024 jylǵy uqsas kezeńmen salystyrǵanda 85 paıyzǵa artyq (46,6 mlrd teńge).
Aıta keteıik, elde elektromobılder 18 myńǵa jýyqtady.