Eldegi qandaı avtojoldarda kólik qozǵalysyna shekteý bar

ALMATY. KAZINFORM — Qazaqstanda aýa raıynyń nasharlaýyna baılanysty respýblıkalyq mańyzy bar avtojoldardyń birneshe ýchaskesinde shekteýler engizildi.

doroga, trassa, avtomobıl, jol, kólik
Foto: Maqsat Shaǵyrbaev / Kazinform

«QazAvtoJol» ulttyq kompanııasynyń málimetinshe, 9 qarasha saǵat 07:30–da kelesi respýblıkalyq mańyzy bar avtojoldarda barlyq kólik túrleri úshin qozǵalys ashyldy:

Pavlodar oblysy:

* «Astana — Shiderti — Pavlodar — Ýspenka — RF shekarasy» avtojolynyń 200–254 shaqyrymy (Aqmola oblysynyń shekarasynan Shiderti kentine deıin).

Aqmola oblysy:

«Astana — Kókshetaý — Petropavl — RF shekarasy» avtojolynyń 18 — 232 shaqyrym aralyǵy (Astana qalasynan Şýchınsk qalasyna deıin);

«Astana — Shiderti — Pavlodar — Ýspenka — RF shekarasy» avtojolynyń 16 — 200 shaqyrym aralyǵy (Astana qalasynan Pavlodar oblysynyń shekarasyna deıin).

Kólik qozǵalysyna shekteý bar

9 qarasha saǵat 08:00–degi jaǵdaı boıynsha Aqmola oblysynda aýa raıynyń nasharlaýyna baılanysty birneshe ýchaskede shekteý kúshinde tur:

* «Astana — Kókshetaý (aınalma jolymen) — Petropavl — RF shekarasy» avtojolynyń Astanadan Şýchınskige deıingi ýchaskesinde (18–232 shq) jyldamdyq rejımi saǵatyna 110 shaqyrymnan 80 shaqyrymǵa deıin tómendetildi;


* «Astana — Qaraǵandy — Almaty» avtojolynyń Jibek joly kentinen Anar stantsııasyna deıingi ýchaskesinde (30–92 shq) qozǵalys jyldamdyǵy saǵatyna 140 shaqyrymnan 110 shaqyrymǵa deıin shekteldi;


* jańbyr aralas qar jaýyp, temperatýranyń tómendeýine baılanysty «Kókshetaý — Atbasar» avtojolynda (0–184 shq) jazǵy dóńgelek ornatylǵan avtokólikter úshin qozǵalysqa shekteý engizildi.

Eske salaıyq, keshe eldiń eki óńirinde jazǵy dóńgelekpen jolǵa shyqqandarǵa shekteý qoıyldy.