Eldegi ınflıatsııa tómendeı me

ALMATY. KAZINFORM – Eldegi ınflıatsııa tómendemeı, bazalyq mólsherleme joǵary bolyp qala beredi. Bul týraly Ulttyq bank tóraǵasy Tımýr Súleımenov qarjygerler kongresinde aıtty.

Ulttyq bank tóraǵasynyń sózinshe, ınflıatsııa 5 paıyzǵa deıin baıaýlamaıynsha, bazalyq mólsherleme 9-10 paıyzǵa deıin tómendemeıdi. ıAǵnı, bankterdiń 11-12 paıyzben nesıe berýine esh múmkindik joq. Eń aldymen ınflıatsııa máselesin sheship alý kerek.

«Bul – bıýdjet shyǵynyn qysqartý men kirisin ulǵaıtý, Ulttyq qordan shamadan artyq qarjy almaý.Salyqty kóbeıtý kerek. Bul ońaıǵa túspeıtini anyq. Alaıda, budan basqa jol joq. Sondyqtan ınflıatsııany baqylaýǵa alyp, memlekettik qarjyny rettemeı, júıeli tártip ornatpaıynsha, bul másele sheshilmeıdi. Az ýaqyt ishinde keıbir memlekettik shyǵyndardy qysqartý jáne kiristi arttyrý qajet bolady. Kiristerdi arttyrý degenimiz – ashyq aıtqanda, salyqty kóbeıtý, jekeshelendirý, memlekettik aktıvterdi satý jáne memlekettik rezervterdi arttyrý. Elimiz úshin ınflıatsııa men memlekettik qarjyny retke keltirý mańyzdy»,- dedi Tımýr Súleımenov.

Buǵan deıin habarlanǵandaı, qarjy uıymdarynyń aktıvteri 65 trln teńgege ulǵaıdy.

Kelesi jyly qarjy salasynda qandaı ózgerister bolady.