Eldegi ınflıatsııa: qandaı taýarlar men qyzmetter arzandady
ASTANA. KAZINFORM — Maýsymda Qazaqstan Respýblıkasynda ınflıatsııa 0,8% qurady.
Keıbir azyq-túlik taýarlarynyń baǵasynda maýsymdyq tómendeý baıqalǵanymen, baǵanyń aılyq dınamıkasyna qyzmetterdiń jáne azyq-túlik emes taýarlardyń jekelegen túrleri eń kóp úles qosty.
— Bir aıdyń ishinde jekelegen kókónister men tamaq ónimderi arzandady. Máselen, tátti burysh baǵasy — 12,6%, qyzylsha — 7,8%, jumyrtqa — 3,8%, banan — 3,3%, baıaldy — 1,7%, qara shaı — 1,1%, bıdaı jarmasy men alma — 0,8%, shokolad pastasy — 0,3% tómendedi.
Azyq-túlikke jatpaıtyn taýarlardyń arasynda birqatar uzaq paıdalanylatyn taýar men medıtsınalyq ónimder baǵasynyń tómendeýi baıqaldy. Máselen, shańsorǵysh — 7,2%, útik — 5,4%, medıtsınalyq betperde — 4,1%, elektr sháınek — 2,9%, modemder men roýterler — 1,5%, noýtbýk — 1,2%, paratsetamol — 0,8%, qolǵa arnalǵan krem — 0,6% arzandady, — delingen Statıstıka habarlamasynda.
Al, aqyly qyzmetter arasynda ystyq sý tarıfteri 3,7%, sýyq sý tarıfteri 3,2% tómendedi.
— Jyldyq mánde 2026 jylǵy maýsym aıynda ınflıatsııa 10,3% qurady. Bul rette jemis-jıdek jáne kókónis ónimderiniń jekelegen túrleri boıynsha ótken jylmen salystyrǵanda baǵanyń aıtarlyqtaı tómendeýi saqtalyp otyr. Máselen, qyzylsha — 26,9%, qyzanaq — 23,8%, qııar — 20,8%, pııaz — 15,9%, sarymsaq — 11,9%-ǵa arzandady.
Uzaq paıdalanylatyn jekelegen azyq-túlikke jatpaıtyn taýarlar baǵasynyń tómendeýi jalǵasýda. Ótken jyldyń maýsym aıymen salystyrǵanda avtomobılder — 9,9%, kondıtsıonerler — 9,7% arzandady, sondaı-aq jekelegen dárilik preparattar men turmystyq tehnıka da qunynyń tómendegenin kórsetip otyr, — delingen habarlamada.
2025 jylǵy maýsymmen salystyrǵanda sýyq sý tarıfteri 40,8% tómendedi.
Aıta ketelik Bektenov ınflıatsııany 10% tómen deńgeıde ustaýdy tapsyrǵan edi.
