Eldegi barlyq ushý-qoný jolaqtary men termınaldar jańartylady
ASTANA. KAZINFORM – Qazaqstan Eýropa men Azııa arasyndaǵy áýe júk tasymalynyń mańyzdy býynyna aınalýdy kózdep otyr. Osy maqsatta áýejaılardyń ushý-qoný jolaqtary men jolaýshylar termınaldary jańartylady. Bul týraly Úkimet otyrysynda Kólik vıtse-mınıstri Talǵat Lastaev málimdedi.
Spıkerdiń aıtýynsha, Eýropa men Azııa arasyndaǵy áýe arqyly tranzıttik tasymaldy damytý úshin áýejaı ınfraqurylymyn jańartý jumystary iske asyrylýda.
– Úsh jyl ishinde barlyq ushý-qoný jolaqtary men jolaýshylar termınaldary jańartylady. Negizgi avıatsııalyq habtar aıqyndalyp, olarda erkin ekonomıkalyq aımaq rejımi engizildi. Sonymen qatar janarmaı quıý keshenderi men júk termınaldaryn jańǵyrtý, sondaı-aq olarǵa temirjol jáne avtomobıl joldaryn tartý jumystary júrgizilýde, – dedi Talǵat Lastaev.
Sonymen birge, áýe qozǵalysyn basqarýǵa qajetti aeronavıgatsııalyq qamtamasyz etý júıesin zamanaýı talaptarǵa saı jańǵyrtý bastaldy.
Keshe Prezıdent Q. Toqaev Qazaqstannyń tranzıttik áleýetin synǵa alǵan edi.
Vıtse-mınıstrdiń aıtýynsha, Qazaqstanda 2030 jylǵa deıin taǵy 21 logıstıkalyq ortalyq salý josparlanyp otyr.
Al Aral-Kaspıı avtojoly 2028 jyly salynyp bitedi.
