Eldegi aıyppul turaqtarynda 5 myń moped «qamaýda» tur

ASTANA. KAZINFORM – Eldegi aıyppul turaqtarynda 5 myń moped «qamaýda» tur. Bul týraly Іshki ister mınıstri Erjan Sádenov Premer-mınıstrdiń suraǵyna bergen jaýabynda aıtty.

«Jańa ǵana «Egemen Qazaqstan» gazetine shyqqan «Mopedterdiń máselesi ýaıymǵa aınaldy» degen maqalany oqyp shyqtym. Sol maqalada kórsetilgendeı, bıyldyń ózinde mopedterdiń qatysýymen bolǵan apattarda 27 adam qaza tapqan. Masqara derekter! Osy máseleni qalaı sheship jatyrmyz?» - dep surady O.Bektenov mınıstrden. 

Mınıstrdiń aıtýynsha, mopedter qozǵalysyn retteıtin zań jobasy Senatta jatyr.

«Iá, problemalar bar. Kóbinese bul mopedtermen jasóspirimder, kýrerler júredi. Zańnama aıasynda sharalar qabyldap jatyrmyz. Barlyq mopedter tirkeýge alynady. Odan keıin memlekettik nomer beriledi. Sodan keıin ol mopedterdi júrgizý úshin kýálik alý kerek bolady. Qazir zań jobasy Senatta jatyr. Biz ony kútpesten jumys júrgizip jatyrmyz. Búgingi tańda 39 myń júrgizýshi anyqtalyp, tártiptik jazaǵa tartyldy. Onyń ishinde kámeletke tolmaǵan 202 adam bar. Olardyń ata-analary jaýapqa tartyldy.

Al aıyppul turaqtaryna 5 myńnan astam moped qamaldy. Bul jumystardy jalǵastyramyz», - dedi Erjan Sádenov.