Eldegi avtokólik parki qanshalyqty eskirgen
ASTANA. KAZINFORM – Qazaqstan Respýblıkasy Ónerkásip jáne qurylys mınıstrligi eldegi avtokólik parkin jańartýǵa qatysty túsinik berdi.
- Osy ýaqytqa deıin eldegi avtokólikter sany 5,9 mln-dy qurady: 399,5 myńy – 3 jylǵa deıingi, 1 mıllıony – 3-7 jyl aralyǵyndaǵy, 606,6 myńy – 7-10 jyl aralyǵyndaǵy, 1,4 mıllıony – 10-20 jyl aralyǵyndaǵy, 2,4 mıllıony 20 jyldan asqan avtokólikter. Bul óz kezeginde Qazaqstanda qoldanystaǵy avtoparkti jańartýǵa úlken múmkindik bar ekenin kórsetedi. Sonymen qatar, alda Qazaqstandaǵy avtoparkti kezeń-kezeńimen jańartý qarastyrylyp otyr. 2024 jyldan 2025 jylǵa deıin satylym kólemi 15 paıyzǵa ósti. Atap aıtqanda, 2025 jyly 234,9 myń avtokólik satylǵan. Al 2024 jyly bul kórsetkish 205,1 myń bolǵan, - delingen mınıstrliktiń Kazinform agenttigine bergen jaýabynda.
2025 jyly Qazaqstanda eki jańa joǵary tehnologııalyq óndiris iske qosyldy. Bul rette Almatyda Chery, Haval, Changan brendteri shyǵarylatyn mýltıbrendti zaýyt jáne Qostanaıda ornalasqan Kia Qazaqstan zaýyty óndiristi bastady. «KIA Qazaqstan» – jyldyq qýaty 70 myńǵa deıin avtomobıl shyǵaratyn, usaq torapty óndiris ádisimen jumys isteıtin zaýyt.
«Astana Motors Manufacturing Kazakhstan» – CHERY, CHANGAN, GREAT WALL MOTOR (HAVAL, Tank brendteri) avtomobılderin usaq torapty óndiris ádisimen shyǵaratyn mýltıbrendti zaýyt, jyldyq qýaty shamamen 120 myń. Byltyr qyrkúıekten bastap serııalyq óndiris iske qosyldy.
Eske salsaq, byltyr kúzde Memleket basshysy telekópir arqyly KIA Qazaqstan avtomobıl zaýytyn ashty.