Eldegi astyq qoımalary qansha tonna bıdaı qabyldaı alady

ASTANA. KAZINFORM – QR aýyl sharýashylyǵy mınıstri Aıdarbek Saparov Úkimet otyrysynda eldegi astyq qabyldaý kásiporyndarynyń daıyndyǵy týraly baıandady.

«Búgingi kúni barlyq elevatorlar josparly rejımde jańa astyqty qabyldaýǵa materıaldyq-tehnıkalyq daıyndyǵy boıynsha jumystar júrgizip jatyr. Daıyndyq jumystary shilde aıynyń sońynda aıaqtalady», - dep jaýap berdi mınıstr.

Onyń aıtýynsha, qazir qolda bar astyq qoımalarynyń jalpy kólemi shamamen 30 mln tonnany quraıdy. Bul jańa astyqty saqtaýǵa jetkilikti.

«Onyń ishinde 4 mln tonnaǵa lıtsenzııa alǵan 191 elevatorlar bar, sonymen qatar, sharýashylyqtardyń ózinde 16,4 mln tonna syıymdylyǵy bar qoımalar bar. Barlyq máseleler mınıstrliktiń baqylaýynda», - dedi Aıdarbek Saparov.

Buǵan deıin A. Saparov bıdaı, kúrish alqaptary qysqaryp, maıly daqyldarǵa basymdyq berilgenin aıtqan edi.