Eldegi ahýal: 4 myń úı, 2 myń saıajaı sý astynda qaldy
ASTANA. KAZINFORM – Sý tasqyny bastalǵaly 107 465 adam, onyń ishinde 38 627 bala qaýipsiz jerlerge jetkizildi. Bul týraly QR TJM Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash baıandady.
Onyń aıtýynsha, 11 786 adam úılerine oraldy. Ýaqytsha ornalasý pýnkterine 7 598 adam, onyń ishinde 3 288 bala ornalasqan.
«Búgingi tańda avarııalyq-qutqarý jumystarynda 32 484 adam, 3 709 tehnıka, 14 áýe kemesi jumyldyryldy. 9,4 mln tekshe metrden astam erigen qar sýy soryp shyǵaryldy, 2 mln qapshyq pen 1,2 mln tonnadan astam ınertti materıal tóseldi», - dedi spıker Respýblıkalyq aqparattyq shtabta ótken brıfıngide.
Qazirgi ýaqytta Atyraý, Aqtóbe, Aqmola, Qostanaı, Batys Qazaqstan, Soltústik Qazaqstan oblystarynda 4 870 jeke turǵyn úı, 1517 aýla aýmaǵy jáne 2 035 saıajaı úıleri sý astynda qalǵan.
«Jedel jeli» telefondaryna 1 667 qońyraý kelip tústi, 123 shuǵyl psıhologııalyq kómek kórsetildi.
Elimizdiń 8 óńirinde: Aqtóbe, Qostanaı, Batys Qazaqstan, Aqmola, Qaraǵandy, Atyraý, Soltústik Qazaqstan jáne Ulytaý oblystarynda jergilikti aýqymdaǵy 36 TJ rejımi kúshinde.
