Eldegi AES-terge qajet strategııalyq otyn qory qurylady — agenttik

ASTANA. KAZINFORM — Elde salynatyn AES-terge qajet otyn qory qurylady. Bul týraly Atom energııasy jónindegi agenttigi tóraǵasynyń orynbasary Áset Mahambetov málim etti. 

— Bul másele boıynsha Atom energııasy jónindegi agenttik tıisti jumysty atqaryp otyr. Qazir Qazaqstanda atom salasyn damytýdyń 2050 jylǵa deıingi strategııasynyń jobasy ázirlep jatyrmyz. Onyń aıasynda elimizde salynatyn atom elektr stantsııalaryna qajet strategııalyq shıkizat qoryn qalyptastyramyz. Osy oraıda bolashaq AES-ter shıkizatpen tolyq qamtamasyz etilmek, — dedi Áset Mahambetov Senatta tilshiler suraǵyna jaýap bere otyryp.

Onyń aıtýynsha, keıingi onjyldyqta naryqqa shyǵarylǵan ýran shıkizatynyń 80-90 paıyzy 10 elge tıesili.

— Qazaqstanda óndiriletin ýran shamamen dúnıejúziniń 40 paıyzyn qamtamasyz etedi, — dedi agenttik ókili.

Eske salsaq, jaqynda Atom energııasy jónindegi agenttigi tóraǵasynyń orynbasary Ǵumar Serǵazın Qazaqstandaǵy ýran qory 60 jylǵa jetetinin aıtqan edi. 

Energetıka vıtse-mınıstri Erlan Aqbarovtyń málimetine qaraǵanda, eldegi ýrannyń boljamdy qory 2 mln tonnadan astam. 

Aıta keteıik, Senat taqtatas munaıy men ýran óndirýge qatysty zańdy maquldady. 

Ýákiletti organnyń málimetinshe, 2024 jyly Qazaqstan álemdik ýran óndirýdiń shamamen 40 paıyzyn qamtamasyz etti, bul shamamen 23 myń tonna kólemine jetedi.