Eldegi 740 mektepke dırektor kerek
ASTANA. KAZINFORM – Oqý-aǵartý mınıstri Ǵanı Beısembaev vedomstvonyń alqa májilisinde mektep dırektorlarynyń deńgeıi oıdaǵydaı bolmaı turǵanyn aıtty.
- Respýblıkada 7 myńnan asa memlekettik mektep jumys isteıdi. Taldaý dırektorlardyń biliktilik deńgeıin kóterý kerektigin kórsetip otyr. Olardyń tek 9 paıyzynda ǵana «jetekshi-kóshbasshy» sanaty bar. Osy jaǵdaıdy sheshý úshin 2023 jyldan beri «Bilim berýdegi ózgeristiń 1000 kóshbasshysy» jobasy iske asyrylyp kele jatyr. Búgingi kúni 583 kandıdat Respýblıkalyq kadrlyq rezervke engizildi. Joba iske qosylǵanyna qaramastan, 740 mektepke dırektor jetispeıdi, onyń 81%-y aýyl mektebi, - dedi Ǵanı Beısembaev.
Dırektorlar tapshylyǵy ásirese Túrkistan, Qaraǵandy, Pavlodar, Aqmola jáne Qostanaı oblystarynda tirkelgen kórinedi.
- Rezvervtegi kadrlardy taǵaıyndaý Aqtóbe oblysynda qajetti deńgeıde oryndalmaǵan. ıAǵnı basshylyq laýazymǵa 12 kadrdyń ekeýi, Shymkentte 23-tiń úsheýi ǵana taǵaıyndalǵan. Almaty qalasynda revervte turǵan 30 mamannyń bireýi de taǵaıyndalmaǵan. Bul bilim basqarmalary tarapynan óńirdegi bos oryndardy eskere otyryp, oqytýǵa qatysýshylardy irikteý kezinde naqty tásildiń joq ekenin kórsetedi. Basqasha aıtsaq, strategııalyq mańyzy joba betimen jiberilgen. Másele tek jańa dırektorlar daıyndaýda ǵana emes, búkil dırektorlar quramyn sapaly menedjmentke oqytý qajettigi týyndap otyr. Sonda ǵana bilim berý salasynda aıtarlyqtaı ózgeristerge qol jetkizemiz, - dedi mınıstr.
Aıta ketý kerek, 2026 jyly keıbir mektepterde oqý pánderi biriktirilýi múmkin.