Eldegi 4 myń qazaq mektebinde qansha bala bilim alyp júr
ALMATY. KAZINFORM — Qazaqstanda orys tilinde oqytatyn 1124, aralas tildegi 2684 mektep bar. Onda 1 233 969 bala bilim alyp júr. Oqý-aǵartý mınıstrligi Kazinform saýalyna joldaǵan jaýapta osyndaı málimet aıtty.

— Ulttyq bilim berý derekqorynan alynǵan málimetke sáıkes 2024-2025 oqý jylynda elimizde segiz myńǵa jýyq mektepte 3,9 mln bala bilim alyp jatyr. Onyń ishinde 4097 mektep qazaq tilinde (2 720512 bala), 2684 mektep aralas, 1124 mektep orys tilinde (1 233 969 bala) oqytady. Sońǵy jyldar kórsetkishi boıynsha aralas tilde bilim beretin mektepterdiń kóbeıýi memlekettik tilde bilim alýǵa nıet bildirýshilerdiń sanynyń artýyna baılanysty, — dep túsindirdi mınıstrlikten.
Orys tilinde oqytatyn mektepter Soltústik Qazaqstan, Qostanaı, Aqmola oblystarynda kóbirek tirkelgen.
— Sonymen qatar jergilikti turǵyndardyń suranysyna qaraı aǵylshyn, uıǵyr, ózbek tilderinde bilim beretin mektepter jumys isteıdi, — dep atap ótti Oqý-aǵartý mınıstrligi.
Eske salaıyq, Memleket basshysynyń tapsyrmasymen alǵashqy ulttyq mekteptiń qurylysy bastaldy.