Eldegi 3 myń resmı qoqys polıgonynyń 20 paıyzy ǵana talapqa saı – Ekologııa mınıstri
ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev ortalyq kommýnıkatsııalar qyzmetinde ótken brıfıngide qoqys polıgondarynyń jaı-kúıine toqtaldy.
«Ákimdikterdiń aqparatyna sáıkes, elimizdegi 207 qala men aýdan ortalyqtarynan 130 eldi mekende ár túrli kezeńderde qaldyqtardy bólek jınaý, 103 eldi mekende suryptaý jelileri nemese qolmen suryptaý uıymdastyrylǵan. 2023 jyly respýblıka boıynsha qatty turmystyq qaldyq (QTQ) polıgondarynyń sany 3016 boldy. Ókinishke qaraı, sonyń 624-i (20,6%) ekologııalyq jáne sanıtarııalyq normalarǵa sáıkes», - dedi mınıstr.
Onyń aıtýynsha, ákimdikterge qaldyqtardy basqarý ınfraqurylymyn damytýǵa qajetti quzyretter berilip otyr.
«Atap aıtqanda, jer ýchaskelerin berý, ınfraqurylym tartý tásilderin ázirleý, ekologııalyq emıssııalardy paıdalaný, bıznes sýbektilerine artyqshylyq (preferentsııalar) berý, memlekettik-jekeshelik áriptestik sharttaryn jasasý boıynsha quzyretteri bar. Ákimdikter kommýnaldyq qaldyqtardy basqarý baǵdarlamalaryn ázirleýde», - dedi Erlan Nysanbaev.
