Eldegi 25,5 myń ǵalymnyń 54 paıyzy — 40 jastan asqandar

ASTANA. KAZINFORM — Ǵylym jáne joǵary bilim mınıstri Saıasat Nurbek Úkimet otyrysynda eldegi ǵalymdardyń jas quramy týraly derek keltirdi.

— Elimizdiń ǵylymı áleýeti — 25,5 myń ǵalym, onyń 46%-y 40 jasqa deıingi mamandar. Ǵylym salasynda 425 uıym jumys isteıdi. Endi granttyq konkýrstar jyl saıyn ótkiziledi. Buryn 3 jylda bir ótkiziletin, — dedi ol.

Onyń aıtýyna qaraǵanda jyl saıyn ǵylymdy memleket esebinen qoldaý tetikteri keńeıtilip keledi. 

— Postdoktoranttar men jas ǵalymdarǵa granttar, ázirlemelerdi kommertsııalandyrýdy qarjylandyrý, irgeli ınstıtýttardy tikeleı qarjylandyrý, sheteldik taǵylymdamalar jáne mega-granttar engizildi. Qazirgi ýaqytta 264 ǵylymı-tehnıkalyq baǵdarlama, 2 361 ǵylymı joba (onyń 835-i jas ǵalymdarǵa tıesili) jáne 208 kommertsııalandyrý jobasy qarjylandyrylýda. 1 475 ǵalym shetelde ǵylymı taǵylymdamadan ótti, — dedi mınıstr.

Aıta ketý kerek, ótken aptada «Bolashaq» jáne «Ǵylymı taǵylymdamalar» stıpendııasyna qujat qabyldaý bastalǵanyn jazǵan edik.