Eldegi 108 kınoteatrdyń 68-i ǵana bılet satýdan túsken tabysyn ashyq kórsetip otyr

ASTANA. KAZINFORM – Mádenıet jáne aqparat mınıstri Aıda Balaeva kreatıvti ındýstrııany tsıfrlandyrýǵa arnalǵan Úkimet otyrysynda «e-Kıno» ilki jobasynyń alǵashqy nátıjelerin atady.

- Qazirgi ýaqytta «e-Kıno» júıesi synaq rejıminde paıdalanýda. Júıege 103 kınoteatrdyń 68-i qosylǵan. 30,4 mln teńge kassalyq túsim esepke alyndy. 20 310 bılet tirkeldi, - dedi mınıstr.

Onyń aıtýynsha, «e-Kıno» – kreatıvti salalardy tsıfrlandyrýdyń alǵashqy qadamy.

- Bul júıe kınoındýstrııadaǵy ashyqtyqty arttyrý, elimizde kassalyq túsimderdi ádil bólý mindetterin atqarady.

«e-Kıno» júıesine derekter kınoteatrlardyń bılet satý júıesinen naqty ýaqyt rejıminde túsedi. Júıe jekelegen seans pen fılm kórsetilip jatqan óńir boıynsha kórermender sany men kassalyq túsimderdi baqylaýǵa, bıletterdi júkteý úrdisin monıtorıngteýge, kıno kórsetilimderi men túsimderin janr, til jáne óndiris eli boıynsha taldaýǵa múmkindik beredi, - dedi Aıda Balaeva.

Eske salsaq, bıyl balalarǵa arnalǵan 5 álemdik kınotýyndy qazaqsha kórsetiledi.

Sonyń alǵashqysy – «Aqshaqar» týyndysy 14 naýryz kúni Almatyda kórsetile bastady.