Eldegi 10 kolledjge sheteldik menedjerler tartylady

ASTANA. KAZINFORM — Oqý-aǵartý mınıstri Ǵanı Beısembaev Úkimet otyrysynda eldegi 10 kolledj ınternatsıonalızatsııalanatynyn aıtty.

— Jumysshy mamandyqtar jyly elimizdiń 10 kolledjin ınternatsıonalızatsııalaý josparlanǵan. Onyń negizgi maqsaty — Qazaqstan kolledjderiniń jahandyq deńgeıde básekege qabilettiligin arttyryp, bilim berý baǵdarlamalarynyń halyqaralyq standarttarǵa sáıkestigin qamtamasyz etý.
Menedjmenttiń úzdik halyqaralyq tájirıbesin engizý úshin sheteldik menedjerlerdi tartý arqyly kolledjderdi basqarýdyń ozyq álemdik modelderin engizý iske asyrylady, — dedi ol.

Aıtýynsha, bul jumystardyń aıasynda pedagogtar sheteldik kolledjdermen tájirıbe almasyp, kásibı deńgeıin arttyrady. Al stýdentter akademııalyq utqyrlyq tártibimen atalǵan oqý oryndarynda bilimin jetildiredi.

— Nátıjesinde, kolledjderdiń básekege qabilettiligi joǵarylap, bilim sapasy halyqaralyq deńgeıge kóteriledi, — dedi Ǵanı Beısembaev.

Eske salsaq, Prezıdent Jarlyǵymen 2025 jyl Jumysshy mamandyqtarynyń jyly dep jarııalanǵan edi.