Elde jınalǵan kommýnaldyq qaldyqtar 4,1 mln tonnaǵa jetti
ASTANA. KAZINFORM — 2025 jyly Qazaqstanda jınalǵan kommýnaldyq qaldyqtar kólemi 7,7% ósip, 4,1 mln tonna boldy, dep habarlaıdy Ulttyq statıstıka bıýrosynyń baspasóz qyzmeti.
Suryptalǵan qaldyqtar kólemi 1,5 mln tonnaǵa jetip, 2024 jylmen salystyrǵanda 16,3% artty.
Al suryptalǵan qaldyqtar qurylymynda makýlatýra men kartonnyń úlesi 9,4%, plastıktiń úlesi 9% boldy.
— Óńirler bólinisinde suryptalǵan qaldyqtar kólemi boıynsha kóshbasshylyqty Almaty qalasy saqtap otyr — 409,3 myń tonna. Kóshbasshylar qatarynda Astana qalasy — 377 myń tonna jáne Qaraǵandy oblysy — 243,9 myń tonna bar, — delingen habarlamada.
2025 jyldyń qorytyndysy boıynsha elde kommýnaldyq qaldyqtardy jınaý jáne tasymaldaýmen aınalysatyn 846 kásiporyn, sondaı-aq olardy suryptaý, kádege jaratý jáne kómý jumystaryn júzege asyratyn 278 uıym jumys isteıdi.
Osyǵan deıin Jetisý oblysynda janýar qaldyqtary tabylǵan qaýipti qoqys polıgony anyqtalǵanyn jazǵan edik.
