Elde jıhaz óndirisi 56,7%-ǵa artty

ASTANA. KAZINFORM — Qazaqstannyń óńdeý ónerkásibindegi qarqyndy damyp kele jatqan sektorlardyń biri — jıhaz óndirisi. 2025 jyly otandyq jıhaz ındýstrııasy senimdi ósim kórsetti. 

Ótken jyly jıhaz ónimderin óndirý kólemi56,7%-ǵa artyp, 165,1 mlrd teńgege jetti. 

Jıhaz salasynyń jalpy ónerkásip óndirisindegi úlesi 0,3%-dy, al óńdeý ónerkásibindegi úlesi 0,5%-dy qurady. Bul kórsetkishter 2024 jylmen salystyrǵanda joǵary (0,2% jáne 0,4% sáıkesinshe).

Sarapshylardyń málimetinshe, naqty mánde eń joǵary ósim keńsege arnalǵan aǵash jıhaz óndirisinde (37,2%-ǵa), ashana men qonaq bólmege arnalǵan aǵash jıhazda (18,5%-ǵa) jáne metall qańqaly arnaıy otyrýǵa arnalǵan jıhazdardyń (2,8%-ǵa) óndirisinde baıqalady.

Sonymen qatar, jatyn bólmege arnalǵan ózge aǵash jıhazdar (kereýetter men shkaftardy qospaǵanda) jáne as úı jıhazy segmentinde óndiris kólemi birshama tómendegen.

2025 jyly jıhaz ónimderin ishki tutyný naryǵynyń kólemi $670 mln jetip, 2024 jylmen salystyrǵanda shamamen 3% — ǵa óskenin kórsetedi. Bul rette qazaqstandyq óndirýshiler ishki naryqtyń 37,8%-yn qamtamasyz etti (bir jyl buryn bul kórsetkish 33,7% bolǵan).

Salanyń negizgi kapıtalyna salynǵan ınvestıtsııalar kólemi 6,9 mlrd teńgeden asty. Jıhaz óndirisine ınvestıtsııa tartý boıynsha Túrkistan oblysy kósh bastady — óńirde 4,8 mlrd teńge ınvestıtsııa quıylyp, respýblıkalyq jalpy kólemniń shamamen 70%-y boldy. Qarajat negizinen keńse jánesaýdaǵa arnalǵan jıhaz óndirisine baǵyttaldy.

Qazaqstandyq jıhazdyń shetelge satylymy 4,7 esege ósip, $72,2 mln boldy. Eksporttaǵy eń joǵary ósim ózge metall jıhazda (11,3 ese), metall qańqaly otyrǵysh jıhazdyń ózge túrlerinde (5 ese) jáne plastmassadan jasalǵan jıhazda (88,7%) tirkeldi. Eksporttyń negizgi baǵyttary TMD elderi boldy.

— Jalpy, 2025 jyl jıhaz salasynda óndiris pen eksporttyń qarqyndy ósimi men erekshelenip, otandyq óndirýshilerdiń ishki naryqtaǵy pozıtsııasyn nyǵaıtqan kezeń boldy, — dep qorytyndylady dırektsııada.

2026 jyly elimizdiń túrli óńirlerinde jıhaz óndirisi boıynsha segiz jobany iske qosý josparlanǵan. Qazirgi ýaqytta Qazaqstanda jıhaz jáne oǵan qajet quramdas bólshekter óndiretin 1800-den astam kompanııa tirkelgen. 

Aıta ketelik Qazaqstan temirjol ónimderin Pákistan naryǵyna eksporttaıdy.