Elde jeti aıda 9,7 mln sharshy metr turǵyn úı paıdalanýǵa berildi
ASTANA. KAZINFORM — Qazaqstanda bıyl 20,4 mln sharshy metr turǵyn úı salý josparlanǵan, dep habarlaıdy Ónerkásip jáne qurylys mınıstrliginiń baspasóz qyzmeti.
Qazaqstanda turǵyn úı qurylysy kólemin ulǵaıtý jáne azamattardy turǵyn úımen qamtamasyz etý boıynsha jumystar jalǵasyp keledi. Bıylǵy jeti aıdyń qorytyndysy boıynsha 9,7 mln sharshy metr turǵyn úı nemese 92,3 myń turǵyn úı paıdalanýǵa berildi.
— Bıylǵy jospar — 20,4 mln sharshy metr turǵyn úı nemese shamamen 188 myń turǵyn úı. Osylaısha, búgingi tańda jyldyq jospardyń 47,5%-y oryndaldy, — delingen mınıstrlik taratqan aqparatta.
Jańa turǵyn úı salýmen qatar, azamattarǵa memlekettik qoldaý kórsetý sharalary da júzege asyrylyp jatyr.
— Bıyl 155,5 mlrd teńgege 12 myń kredıttik turǵyn úı páterin salý jáne satyp alý kózdelgen. Sonymen qatar 269 mlrd teńgege 13,5 myń jalǵa beriletin turǵyn úı páterin satyp alý josparlanǵan, — delingen habarlamada.
Jeńildetilgen turǵyn úı baǵdarlamalaryn iske asyrý jalǵasyp keledi.
— Jyl basynan beri azamattarǵa 2-5% mólsherlememen jalpy somasy 72,7 mlrd teńgege 5,1 myń nesıe berildi. Sondaı-aq «Naýryz» baǵdarlamasy aıasynda jalpy somasy 339,2 mlrd teńgege 11,5 myń qaryz berildi, — dep túıindedi mınıstrlik.
Osyǵan deıin elimizde qurylys jumystary 15,3%-ǵa óskenin jazǵanbyz.
