Elde jańartylatyn energııa kózderiniń 170 stantsııasy jumys istep tur
ASTANA. KAZINFORM – Byltyr jańartylatyn energııa kózderiniń óndirý kólemi 8,7 mlrd kVt/saǵatty qurady. Bul týraly Úkimet otyrysynda «KEGOC» AQ Basqarma tóraǵasy Nábı Aıtjanov málim etti.
- 2021 jyldan bastap jańartylatyn energııa kózderiniń belgilengen qýaty 1700 MVt-tan 3700 MVt-qa deıin artty. Jyl basynda energııa júıesinde jańartylatyn energııa kózderiniń 170 elektr stantsııasy jumys istedi. 2025 jyly elimizde jalpy óndirilgen elektr energııasyndaǵy jańartylatyn energııa kózderiniń óndirý kólemi 8,7 mlrd kVt/saǵatty nemese 7 paıyzdy qurady. 2021 jylmen salystyrǵanda jalpy elektr energııasyn óndirýdegi jańartylatyn energııa kózderiniń úlesi esege artty, - dedi N. Aıtjanov.
Aıta keteıik, elimizdegi 5 jylý elektr ortalyǵy «qyzyl» aımaqta turǵany málim boldy.
Budan buryn habarlanǵandaı, el aýmaǵynda 2025 jyly elektr energııasyn tutyný 2024 jylmen salystyrǵanda 4,6 mlrd kVt/saǵatqa nemese 3,8 paıyzǵa artyp, 124,6 mlrd kVt/saǵatty qurady.
