Elde ıadrolyq zertteý reaktory salynady
ASTANA. KAZINFORM — Jańa zertteý reaktory men ıAdrolyq ǵylym jáne tehnologııalar ortalyǵyn qurýǵa qatysty negizgi kelisimderge qol qoıyldy. Bul týraly Atom energııasy jónindegi agenttigi habarlady.
Almaty qalasyndaǵy ıAdrolyq fızıka ınstıtýtynda zertteý ıadrolyq qondyrǵylaryn jobalaý, salý jáne paıdalaný máselelerine arnalǵan semınar bastaldy. Іs shara Qazaqstan men Reseıdiń jetekshi mamandaryn biriktirip, tájirıbe almasý jáne eldiń zertteý ıadrolyq ınfraqurylymyn odan ári damytý máselelerin talqylaý alańy boldy. Semınar Qazaqstan Respýblıkasynyń Atom energııasy jónindegi agenttiginiń qoldaýymen ıAdrolyq fızıka ınstıtýty men «Rosatom Qurylys Tehnologııalary» kompanııasy birlesip uıymdastyrdy.
Semınardy Atom energııasy jónindegi agenttiginiń tóraǵasy Almasadam Sátqalıev ashyp, ǵylymı-zertteý bazasyn jańǵyrtýdyń strategııalyq mańyzdylyǵyn atap ótti. Ol sonymen qatar ónerkásip, atom energetıkasy jáne ǵylymı sektordyń damýy zamanaýı tájirıbelik qondyrǵylardyń qurylýyn qajet etetinin aıtty.
— Memleket basshysy atom salasynyń ǵylymı negizin nyǵaıtýǵa naqty tapsyrma berdi, qoldanystaǵy qondyrǵylardy jańǵyrtyp, jańa qondyrǵylar qurýdy qamtamasyz etý qajet. ıAdrolyq fızıka ınstıtýtynda zertteý reaktoryn salý, sondaı-aq Ulttyq ıadrolyq ortalyqta uqsas jobany júzege asyrý, zamanaýı tehnologııalardy damytýǵa, kadrlar daıarlaýǵa jáne ǵylymı-óndiristik múmkindikterdi keńeıtýge baǵyttalǵan mańyzdy qadam. Qazaqstan ártúrli tehnologııalyq sheshimderge ashyq jáne álemdik tájirıbeni eskere otyryp, ońtaıly konfıgýratsııalardy qaraýǵa daıyn, — dedi Almasadam Sátqalıev.
Semınar aıasynda ıAdrolyq fızıka ınstıtýty men «Rosatom Qurylys Tehnologııalary» kompanııasy arasynda ózara túsinistik memorandýmyna qol qoıyldy. Qujat kópmaqsatty zertteý reaktoryn jáne zerthanalyq keshendi birlesip jobalaýdy, sondaı-aq atom energııasyn beıbit maqsatta qoldaný salasynda yntymaqtastyqty keńeıtýdi kózdeıdi.
«Rosatom Qurylys Tehnologııalary» JShS-ń bas dırektory Ilıa Vergızaev Qazaqstandyq seriktesterge yntymaqtastyqty nyǵaıtýdaǵy júıeli jumysy úshin alǵysyn bildirip, jańa reaktor eldiń ǵylymı-zertteý múmkindikterin keńeıtetinin atap ótti.
Sonymen qatar, is shara barysynda Qazaqstan Respýblıkasy men «Rosatom Qurylys Tehnologııalary» kompanııasy arasynda ıAdrolyq ǵylym jáne tehnologııalar ortalyǵyn (ıAǴTO) qurý máseleleri boıynsha yntymaqtastyq kelisimine qol qoıyldy. Qujat jobany tehnıkalyq-ekonomıkalyq negizdeýdi daıyndaý jáne alǵashqy is-sharalardy júzege asyrý aıasynda ózara árekettesýdi kózdeıdi.
Semınar barysynda mamandar jańa reaktordyń tehnıkalyq tujyrymdamalary men múmkin konfıgýratsııalaryn tanystyrdy, zertteý baǵyttaryn, perspektıvaly materıaldardy, zamanaýı ızotoptyq tehnologııalardy jáne jańa ǵylymı nysandy iske qosqanda sheshiletin mindetterdi talqylady.
Birinshi kúnniń qorytyndysy retinde qatysýshylar bolashaq zertteý reaktoryn jobalaý jáne qoldaný nusqalary boıynsha pikir almastyrǵan dıskýssııalyq sessııa ótti.
Aıta ketelik elde salynatyn AES-terge qajet otyn qory qurylatyny týraly jazǵan edik.