Elde vaktsınatsııa kestesi ózgeredi: balalar men jasóspirimderge jańa ekpeler engiziledi
ASTANA. KAZINFORM — Búgingi tańda birinshi kezeń sheńberinde 11-13 jas aralyǵyndaǵy 149,3 myńnan astam qyzǵa vaktsına salyndy, 90 myńǵa jýyq jasóspirim vaktsınanyń ekinshi dozasyn aldy, ótken jyldyń qyrkúıeginen bastap barlyǵy APV-ǵa qarsy 238,2 myń profılaktıkalyq egý júrgizildi.
— Barlyq vaktsına alǵan jaǵdaılardyń arasynda qolaısyz jaǵymsyz reaktsııalar tirkelgen joq. Vaktsına qaýipsiz, jaqsy tózimdi jáne aldyn alýdyń tıimdi ádisi retinde Dúnıejúzilik densaýlyq saqtaý uıymy usynady.
APV-ǵa qarsy vaktsınatsııalaý baǵdarlamasynyń negizgi maqsaty — áıelderdi APV týdyratyn eń kóp taralǵan aýrý bolyp tabylatyn jatyr moıny obyrynan, sondaı-aq genıtalıı kondılomalaryn, anýs pen jynys músheleriniń obyryn qosa alǵanda basqa da onkologııalyq aýrýlardan qorǵaý, — delingen DSM habarlamasynda.
APV vaktsınatsııasynyń aýyrtpalyǵy men tıimdiligin eskere otyryp, 147 el bul vaktsınany ózderiniń ulttyq ımmýndaý baǵdarlamalaryna engizdi jáne álemniń 76 eli APV-ǵa qarsy qyzdy da, uldy da vaktsınatsııalaıdy.
Kontıngenttiń keńeıýi jalpy halyq arasynda APV-nyń taralýynyń tómendeýine yqpal etýi múmkin, osylaısha osy vırýsqa baılanysty onkologııalyq aýrýlardyń damý qaýpin azaıtady.
— Osyǵan baılanysty Densaýlyq saqtaý mınıstrligi 11 jastaǵy uldardy qosa alǵanda, APV vaktsınatsııasymen qamtýdy keńeıtýdi josparlap otyr.
Budan basqa, Qorǵanys mınıstrliginiń bastamasy boıynsha merzimdi qyzmettegi áskerı qyzmetshilerdi menıngokokk ınfektsııasyna qarsy vaktsınatsııalaýdy engizý josparlanyp otyr. Bul kontıngent ınfektsııalyq aýrýlarmen syrqattanýshylyq boıynsha joǵary qaýip tobyn bildiredi jáne epıdemıologııalyq turǵydan eń osal, óıtkeni áskerı qyzmet joǵary fızıkalyq jáne psıhologııalyq júktemelermen, ujymdyq turýmen jáne tyǵyz baılanystarmen, jıi issaparlarmen jáne dalalyq shyǵýlarmen baılanysty, — delingen mınıstrlik habarlamasynda.
Sonymen qatar, elde halyqty ımmýndaý jónindegi sarapshylardyń Ulttyq tehnıkalyq konsýltatsııalyq tobynyń usynymdaryna sáıkes 1 jasqa deıingi balalarǵa kókjótelge, dıfterııaǵa, sirespege, V tıpti gemofıldi ınfektsııaǵa, polıomıelıtke jáne «V» vırýstyq gepatıtine qarsy vaktsınatsııalaý kestesin ózgertý jáne 16 jastaǵy jasóspirimderge, sondaı-aq, júkti áıelderdi epıdemıologııalyq kórsetkishter boıynsha erikti negizde kókjótelge qarsy vaktsınatsııalaýdy engizý josparlanyp otyr.
Vaktsınatsııalanýǵa jatatyn kontıngenttiń keńeıýi aýrýdyń aýyr aǵymynyń, asqynýlardyń, vaktsınamen basqarylatyn ınfektsııalardan, sonyń ishinde kókjótelden, APV-ǵa baılanysty onkologııalyq aýrýlardan bolatyn ólimniń qaýpin barynsha tómendetedi.
Aıta ketelik 158 myńǵa jýyq nárestege týberkýlezge qarsy vaktsına salynǵan edi.