Elde vaktsınadan bas tartý jaǵdaılary sońǵy 8 jylda 4,8 ese artqan
ASTANA. KAZINFORM – Juqtyrǵandardyń 77%-y — ekpe almaǵan adamdar. Vaktsınatsına almaýynyń negizgi sebebi (55% jaǵdaıda) — ata-analardyń bas tartýy. Bul týraly DSM baspasóz qyzmeti habarlady.
Densaýlyq saqtaý mınıstrligi qyzylshamen syrqattaný boıynsha jaǵdaıdy turaqtandyrýǵa baǵyttalǵan profılaktıkalyq is-sharalar kesheniniń jalǵasyp jatqanyn habarlaıdy.
Qabyldanyp jatqan sharalarǵa qaramastan, epıdemıologııalyq monıtorıng juqtyrǵandar sanynyń óskenin kórsetip otyr. Bul negizinen nysanaly jas toptaryndaǵy balalardyń vaktsınatsııalaýmen jetkiliksiz qamtylýyna baılanysty.
2026 jyldyń basynan beri elde qyzylshanyń 4 184 jaǵdaıy tirkeldi. Aýrý juqtyrǵandardyń 83,8%-y 14 jasqa deıingi balalar.
Ótken aptada syrqattaný kórsetkishi aldyńǵy kezeńmen salystyrǵanda 1,3 esege artty.
Juqtyrǵandardyń 77%-y — ekpe almaǵan adamdar. Vaktsınatsına almaýynyń negizgi sebebi (55% jaǵdaıda) — ata-analardyń bas tartýy.
Osyǵan baılanysty mynany erekshe atap ótken jón: vaktsınatsııalaý — aýrýdyń aýyr saldarynyń aldyn alýdyń jalǵyz tıimdi tásili.
Qazirgi ýaqytta ınfektsııa oshaqtaryn oqshaýlaý jáne onyń taralýyn boldyrmaý maqsatynda el aýmaǵynda aýqymdy epıdemııaǵa qarsy is-sharalar júrgizilip jatyr.
Atap aıtqanda, balalardy josparly jáne tolyqtyrýshy vaktsınatsııalaý jalǵasyp jatyr. Aýrý oshaǵynda baılanysta bolǵan adamdarǵa shuǵyl vaktsınatsııalaý júrgiziledi.
Sondaı-aq baılanysta bolǵan adamdarǵa 21 táýlik boıy kúndelikti medıtsınalyq baqylaý uıymdastyrylǵan. Balabaqshalarda qyzylsha jaǵdaılary tirkelgen kezde egilmegen balalardyń kelýi ýaqytsha shekteledi.
— Immýnoprofılaktıka máseleleri jónindegi Respýblıkalyq shtab otyrystarynda aýmaqtyq densaýlyq saqtaý departamentteri basshylarynyń esepteri qaralady. Atap aıtqanda, Jambyl oblysynyń Sanıtarııalyq-epıdemıologııalyq baqylaý departamentiniń bastamasymen ımmýndyq preparattardy satyp alýǵa qosymsha qarajat bólindi, — delingen habarlamada.
Barlyq óńirde medıtsına qyzmetkerleri úshin vaktsınamen basqarylatyn ınfektsııalardy dıagnostıkalaý jáne patsıentterdi klınıkalyq júrgizý máseleleri boıynsha 4 000-nan astam semınar ótkizildi.
Sońǵy 8 jyldyń ishinde elde vaktsınatsııalaýdan bas tartý jaǵdaılary 4,8 esege artqanyn aıta ketý kerek. Bul úrdis ujymdyq ımmýnıtettiń tómendeýine tikeleı áser etip, jaǵdaıdy tolyq turaqtandyrýǵa kedergi keltirip jatyr.
Aıta ketelik elimizde donorlyqqa kelisimin bergenderdiń sany 3 esege jýyq óskeni týraly jazǵan edik.
