Elde uıaly telefondardy satýdyń jańa tártibi engizildi

Bul bastama elimizde jasalǵan nemese syrttan ákelingen qurylǵylardyń Qazaqstan Respýblıkasynyń uıaly baılanys jelilerinde paıdalanylýynyń zańdylyǵyn rastaýǵa baǵyttalǵan. Uıaly baılanystyń abonenttik qurylǵylaryn tirkeý qaǵıdalaryna sáıkes verıfıkatsııalaý (tekserý) protsesi:

Uıaly baılanystyń jahandyq júıesi qaýymdastyǵynyń (GSMA) derekqoryndaǵy uıaly baılanystyń abonenttik qurylǵysyn sáıkestendirýdi;

Qazaqstan Respýblıkasynyń zańnamasynda belgilengen tártippen Qazaqstan Respýblıkasynyń aýmaǵynda uıaly baılanystyń abonenttik qurylǵylaryn óndirý jáne (nemese) jóndeý týraly málimetterdiń jáne (nemese) Qazaqstan Respýblıkasynyń keden jáne salyq zańnamasyna sáıkes uıaly baılanystyń abonenttik qurylǵylaryn Qazaqstan Respýblıkasynyń aýmaǵyna ákelý týraly málimetterdiń monıtorıngin qamtıdy.

2026 jyldyń 19 maýsymynda Memleket basshysy Q. Toqaev «Qazaqstan Respýblıkasynyń keıbir zańnamalyq aktilerine telekommýnıkatsııalar naryǵyn jáne derekterdi óńdeý ortalyqtaryn damytý máseleleri boıynsha ózgerister men tolyqtyrýlar engizý týraly» zańǵa qol qoıdy. Jańadan qabyldanǵan sharalar baılanys salasyndaǵy zańnamany jetildirýge, sonyń ishinde tutynýshylardyń quqyqtaryn qorǵaý deńgeıin arttyrýǵa jáne ınternet pen telefon arqyly alaıaqtyqty anyqtaý men beıtaraptandyrý boıynsha jumysty kúsheıtýge baǵyttalǵan.

Tutynýshylardyń quqyqtaryn qorǵaý týraly zańnamaǵa sáıkes verıfıkatsııalaýdan ótpegen uıaly baılanystyń abonenttik qurylǵylary endi tıisti emes sapadaǵy taýarlar retinde jikteledi.

«Tutynýshylardyń quqyqtaryn qorǵaý týraly» zańnyń 15-babyna sáıkes, mundaı qurylǵyny satyp alǵan tutynýshy óz tańdaýy boıynsha:

satyp alý baǵasyn mólsherles kemitýdi;

taýardyń kemshilikterin óteýsiz joıýdy;

taýardaǵy kemshilikterdi joıýǵa jumsaǵan óz shyǵystaryn óteýdi;

soǵan uqsas markaly (modeldi, artıkýldy) taýarǵa aýystyrýdy;

satyp alý baǵasyn tıisinshe qaıta esepteı otyryp, basqa markaly (modeldi, artıkýldy) sondaı taýarǵa aýystyrýdy;

shartty buzýdy jáne taýar úshin tólengen aqshalaı somany qaıtarýdy talap etýge quqyly.

Alaıda, tutynýshy joǵaryda atalǵan talaptardy tek satýshyǵa ǵana qoıa alady.

— Sondaı-aq zań boıynsha satýshynyń taýardyń tıisti sapasyn qamtamasyz etý jónindegi mindetterine qatysty qosymsha talap engizildi. Endi ol uıaly baılanystyń abonenttik qurylǵysyn satý kezinde verıfıkatsııalaý mártebesin tekserý úshin tutynýshyǵa osy taýardyń sáıkestendirý kodyn berýge mindetti bolady, — delingen habarlamada.

Tıisti ózgerister «Saýda qyzmetin retteý týraly» zańǵa da engizildi.

Zań Qazaqstan Respýblıkasynyń zańnamasynda belgilengen tártippen verıfıkatsııalaýdan ótpegen uıaly baılanystyń abonenttik qurylǵysyn satýǵa tyıym salady.

— Satýshy mundaı taýardy ótkizgenge deıin sáıkestendirý kodtarynyń derekqory arqyly ótkiziletin uıaly baılanys abonenttik qurylǵysynyń tıisti sáıkestendirý kodtaryn shekteýlerdiń nemese buǵattaýdyń bar-joǵy turǵysynan tekserýge mindetti.

Osy talap elektrondyq saýdany júzege asyrý kezinde de saqtalýy tıis. Elektrondyq saýda alańdarynyń ıelenýshileri satýshy men elektrondyq saýda alańy arasynda jasalatyn sharttarǵa satýshylardyń uıaly baılanystyń abonenttik qurylǵylaryn satý aldynda taýardy sáıkestendirý kodtarynyń derekqorynda shekteýlerdiń nemese buǵattaýdyń bar-joǵy turǵysynan tekserý mindetin qosýǵa tıis.

Qoldanystaǵy zańnamaǵa sáıkes, satýshy taýardy satý kezinde ony satyp alý faktisin rastaıtyn qujatty berýge mindetti. Mundaı qujat retinde taýardy ıelený faktisin rastaıtyn qujat — qaǵaz nemese elektrondyq nysanda berilgen baqylaý (taýarlyq) chegi ne kassalyq kiris orderiniń túbirtegi, jyrtylatyn talon túbirtegi, tıisti túrde resimdelgen tehnıkalyq pasport, taýardyń ataýy, quny, satyp alynǵan kúni, satýshy (daıyndaýshy) týraly málimetterdi qamtıtyn ózge de qujat bola alady. Endi satýshy mundaı qujattarda ótkiziletin uıaly baılanys abonenttik qurylǵysynyń sáıkestendirý kodtaryn kórsetýge mindetti bolady, — delingen Tutynýshylardyń quqyqtaryn qorǵaý komıteti habarlamasynda.

Aıta ketelik