Elde úsh aýysymdy mektepterdiń úlesi qansha
ASTANA. KAZINFORM – Úsh aýysymdaǵy, apatty jaǵdaıdaǵy mektepter elimizdiń qaı óńirlerinde kóp kezdesedi? Bıyl el aýmaǵynda qansha jańa mektep salynady? Bul suraqtarǵa QR Oqý-aǵartý mınıstrligi jaýap berdi.
- Memleket basshysynyń tapsyrmasyna sáıkes, 2019 jyldan beri 1 mıllıonnan astam oqýshyǵa arnalǵan 1200 mektep salyndy. Osy sharalardyń nátıjesinde elimizdegi úsh aýysymdy mektepterdiń sany 4 ese, apatty mektepterdiń sany 2 ese azaıdy, al oqýshy oryndarynyń tapshylyǵy 4 ese qysqardy. Qazirgi kezde 8 myńnan astam mektep jumys istep tur, olardyń shamamen 1 paıyzy úsh aýysymdy mektepter. Bul mektepterdiń basym bóligi Almaty oblysynda ornalasqan, - delingen mınıstrliktiń Kazinform agenttigine bergen jaýabynda.
Vedomstvo aqparatyna qaraǵanda, oqýshy oryndarynyń tapshylyǵy, úsh aýysymdy oqytý jáne apatty mektepter máselesin sheshý, sondaı-aq qalalar men aýyldar arasyndaǵy bilim berý ınfraqurylymy sapasynyń aıyrmashylyǵyn tómendetý maqsatynda elimizde jańa nysandardy salý men renovatsııalaý boıynsha birqatar bastama qarqyndy iske asyp jatyr. Osy oraıda bıyl 50 myń oqýshy ornyna arnalǵan 92 jańa mektep salý josparlanǵan.
Aıta keteıik buǵan deıin Qazaqstanda salynǵan jaıly mektepterdiń keıbiri nege paıdalanýǵa berilmegenin jazǵan edik.
Eske salsaq mektepte bilim berýdiń ınfraqurylymy jasaqtaldy.
