Elde úndistandyq dárini paıdalanýǵa tyıym salyndy
ASTANA. KAZINFORM — Qazaqstanda úndistandyq «Makleods Farmasıýtıkalz Lımıted» kompanııasy shyǵarǵan «Desılmaks» preparatyn medıtsınalyq maqsatta qoldanýǵa tyıym salynyp, aınalymnan jınap alý týraly sheshim shyqty.
Bul týraly Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń tıisti buıryǵynda aıtylǵan.
— Shekteý tabletkalardyń BSE92301A serııasyna qatysty. Bul partııanyń jaramdylyq merzimi 2026 jyldyń shildesine deıin dep kórsetilgen. Desılmaks dárilik zatynyń atalǵan serııasyn medıtsınalyq qoldanýǵa tyıym salynsyn jáne aınalymnan jınap alynsyn, — delingen buıryqta.
Aıta keteıik, bul sheshimge Dárilik zattar men medıtsınalyq buıymdardy saraptaý ortalyǵynyń haty men ótken jylǵy 3 aqpandaǵy synaq hattamasy negiz bolǵan.
Qazirgi ýaqytta Komıtettiń aýmaqtyq bólimsheleri men «SK-Farmatsııa» mekemesine dárini qoldanystan shyǵarý týraly tapsyrma berildi. Buıryqtyń oryndalýyn farmatsevtıkalyq qyzmetti baqylaý basqarmasy qadaǵalaıdy.
Buǵan deıin, elde tegin jáne jaramdylyq merzimi ótken dárilerdi satqan faktiler jaıly jazǵan edik.