Elde TJ kezindegi is-qımyldy úılestirýge arnalǵan respýblıkalyq jedel shtab quryldy

ASTANA. KAZINFORM — Premer-mınıstr jahandyq jáne óńirlik aýqymdaǵy tótenshe jaǵdaılar kezinde memlekettik organdardyń jumysyn úılestirýdi qamtamasyz etetin respýblıkalyq jedel shtab qurý týraly qaýlyǵa qol qoıdy.

Shtab quramyna aýyl sharýashylyǵy, ekologııa, qorǵanys, qarjy jáne ózge de negizgi mınıstrlikter men vedomstvolardyń basshylary kirdi. Jedel ortalyqty Premer-mınıstr basqarady, onyń orynbasarlary retinde vıtse-premer men Tótenshe jaǵdaılar mınıstri belgilendi.

Sonymen qatar shtab músheleri qatarynda densaýlyq saqtaý, ádilet, kólik, energetıka, tsıfrlyq damý, mádenıet jáne aqparat, saýda, ónerkásip, sý resýrstary, ulttyq ekonomıka mınıstrleri jáne basqa da memlekettik organdardyń birinshi basshylary bar. Kelisim boıynsha Atom energetıkasy agenttiginiń tóraǵasy da quramǵa engizildi.

Sondaı-aq quramǵa barlyq oblystardyń, sondaı-aq Astana, Almaty jáne Shymkent qalalarynyń ákimderi kirdi.

Respýblıkalyq jedel shtab tótenshe jaǵdaılar bastalǵan sátte jáne odan keıingi kezeńde memlekettik organdardyń is-qımylyn úılestirý, shuǵyl sheshimder qabyldaý jáne qajetti sharalardy uıymdastyrý mindetin atqarady.

Qujat bıyl 4 jeltoqsanda qabyldandy. 

Aıta keteıik, ShQO-da qysta tótenshe jaǵdaılar kezinde jedel áreket etý úshin 900-den astam tehnıka ázirlendi.

Sonymen qatar Qytaı tótenshe jaǵdaılar salasyna JI-di engizgenin jazǵanbyz.